Begin typing your search above and press return to search.

অসম লোকসেৱা আয়োগ কেলেংকাৰীৰ মুল অভিযুক্ত ৰাকেশ গুপ্তাৰ আত্মসমৰ্পণ

অসম লোকসেৱা আয়োগ কেলেংকাৰীৰ মুল অভিযুক্ত ৰাকেশ গুপ্তাৰ আত্মসমৰ্পণ

Sentinel Digital DeskBy : Sentinel Digital Desk

  |  12 April 2019 9:52 AM GMT

অসম লোকসেৱা আয়োগ কেলেংকাৰীৰ অন্যতম অভিযুক্ত ৰাকেশ গুপ্তা ৰ আত্মসমৰ্পণ । বৃহস্পতি বাৰে অসম লোকসেৱা আয়োগৰ চাকৰি দিয়াৰ নামত উৎকুচ লোৱা কেলেংকাৰীত অন্যতম অভিযুক্ত পলাতক ৰাকেশ গুপ্তাই আত্মসমৰ্পণ কৰে । এপিএচচি কেলেংকাৰী গোচৰটো প্ৰায় ডেৰ বছৰ ধৰি চলি আছে ।

ৰাকেশ পাল অসম লোকসেৱা আয়োগৰ অধ্যক্ষ হৈ থকা সময়ে আয়োগৰ ভিতৰচৰা এখন চাকৰিৰ বজাৰলৈ পৰ্যবসিত কৰিছিল । এপিএচচি কেলেংকাৰীৰ গোচৰত বহুতো এচিএচ আৰু এপিএচ বিষয়াক গ্ৰেপ্তাৰ কৰিছিল । ২০১৭ চনৰ পৰা ২০১৮ চনৰ ভিতৰত গ্ৰেজেটেড বিষয়াকো গ্ৰেপ্তাৰ কৰিছিল । বৃহস্পতি বাৰে আদালতত আত্মসমৰ্পণ কৰে ৰাকেশ গুপ্তাই।

এপিএচচি কেলেংকাৰীত বহুতকে গ্ৰেপ্তাৰ কৰিছিল আৰু বহুতে ইতিমধ্যে জামিন লাভ কৰিছে । জামিন লাভ কৰা সকলৰ গোচৰ বৰ্তমানেও চলি আছে ।

ৰাকেশ গুপ্তাৰ আত্মসমৰ্পণে অসম লোকসেৱা আয়োগ কেলেংকাৰীৰ আৰু নতুন তথ্য উদ্ঘাটনত সহায় কৰিব।

২০১৬ চনত ডিব্ৰুগড় আৰক্ষীয়ে উৎকুচ লোৱাৰ এক গোচৰ ৰুজু কৰিছিল । ১০ লাখ টকা উৎকুচত এপিএচচিত চাকৰি দিয়াত ইঞ্জিনিয়াৰ নবকান্ত পাটিৰৰ বিৰুদ্ধে এক গোচৰ ৰুজু কৰা হৈছিল । তাৰ পিছত আৰক্ষীয়ে নবকান্ত পাটিৰক হাতে লোটে আটক কৰে । নবকান্ত পাটিৰৰ স্বীকাৰ উক্তিৰ ভিত্তিত ৰাকেশ পালক ২০১৬ চনৰ ৪ নবেম্বৰত আটক কৰে ।

ৰাকেশ গুপ্তাই বিশেষ কোৰ্টত হাজিৰ হোৱাৰ পুৰ্বে আবেদন কৰিছিল । আদালতে ৰাকেশ গুপ্তাৰ আবেদন খাৰিচ কৰে আৰু আৰক্ষীৰ জিম্মালৈ প্ৰেৰণ কৰে আদালতে ।

অন্য খবৰৰ বাবে পঢ়ক : শীৰ্ষ বাতৰি

Next Story