আই আই টিত অসমৰ ৰাজ্যপাল জগদীশ মুখীয়ে কয় যে ভৱিষ্যতৰ সুবিধাৰ্থে মানৱজাতিৰ কল্যানৰ কাৰণে আৰু নতুন চিকিৎসাৰ উপায়ৰ কাৰণে নানো টেকনোল’জি মুকলি কৰিছে ৷ ৰাজ্যপাল মুখীয়ে লগতে কয় যে এই ধৰণৰ বিকাশ লাভ কৰিবলৈ হ’লে ভাৰতীয় প্ৰাদ্যোগিক প্ৰতিষ্ঠান অৰ্থাৎ আই আই টিয়ে গুৰুত্বপূৰ্ণ ভূমিকা গ্ৰহণ কৰিব লাগিব ৷
লগতে আই আই টিৰ ছাত্ৰ ছাত্ৰীসকলে দেশক বিকাশৰ পথত আগবঢ়াই নিবৰ কাৰণে এনেধৰণৰ পদক্ষেপত সক্ৰিয় ভূমিকা ল’ব লাগে ৷বুধবাৰে উত্তৰ গুৱাহাটীৰ আই আই টিত গৱেষণা আৰু বিকাশ ভৱনৰ উৎঘাটন কৰি ৰাজ্যপাল জগদীশ মুখীয়ে কয় যে আই আই টি ছাত্ৰ ছাত্ৰীসকলৰ প্ৰযুক্তি তথা শৈক্ষিক জ্ঞানক লৈ তেওঁ সুখী ৷ গৱেষণা আৰু বিকাশে দেশখনক বিকাশৰ পথত আগবঢ়াই লৈ যাবলৈ গুৰুত্বপূৰ্ণ ভূমিকা গ্ৰহণ কৰিব ৷
আই আই টি গুৱাহাটীৰ সকলো ছাত্ৰ ছাত্ৰীকে নানোটেকন’লজি তথা গৱেষণা আৰু প্ৰযুক্তিত নিজৰ জ্ঞান আৰু বুদ্ধিৰে আগুৱাই যাবলৈ কয় ৰাজ্যপাল মুখীয়ে ৷ ৰাজ্যপাল জগদীশ মুখীয়ে লগতে কয় যে বিদ্যুৎ,পৰিবহন,শিক্ষা আৰু স্বাস্থ্য,জনসংযোগ,কৃষি,খাদ্য কাৰিকৰী বিভাগৰ দৰে কিছুমান ক্ষেত্ৰত পৰিৱৰ্তন কাৰণে অধিক মনোনিবেশ কৰিব লাগে ৷
এই বিষয়সমূহত মনোনিবেশ কৰিলে অৰ্থনৈতিক,খাদ্য আৰু ৰাষ্ট্ৰীয় সুৰক্ষাত যথেষ্ট পৰিৱৰ্তন হ’ব ৷ ছাত্ৰ ছাত্ৰীসকলে স্বাধীনভাৱে নিজকে প্ৰতিষ্ঠা কৰিবৰ কাৰণে পৰিবেশ সৃষ্টি কৰিব লাগে ৷এক সংবাদ বিবৃত্তি অনুসৰি ছাত্ৰ ছাত্ৰীসকলৰ কাৰণে সংস্থাপনৰ আৱশ্যকতাৰ প্ৰসংগ উল্লেখ কৰি ৰাজ্যপাল জগদীশ মুখীয়ে কয় যে আই আই টিত সংস্থাপনৰ বিশেষ ভূমিকা আছে ৷ কাৰণ, সংস্থাপনে ভৱিষ্যত প্ৰজন্মক প্ৰেৰণাৰ লগতে উৎসাহ দিয়ে। ৰাজ্যপাল মুখীয়ে দুটা ভৱন উৎঘাটন কৰাৰ পিছত ছাত্ৰ ছাত্ৰীসকলৰ শৈক্ষিক বিকাশত ভৱন কেইটাই সহায় কৰিব বুলি আশা প্ৰকাশ কৰিছে ৷
অধিক খবৰৰ বাবে পঢ়ক : ৰাজ্যিক বাতৰি
