আন্তৰাষ্ট্ৰীয় হিন্দু পৰিষদৰ দ্য হিন্দুস্তান নিৰ্মাণ দলে আগন্তক লোকসভা নিৰ্বাচনৰ কাৰণে প্ৰাৰ্থী সকলৰ এখন তালিকা প্ৰকাশ কৰিছে ৷ মংগলবাৰে এখন প্ৰেছ বিবৃত্তিৰ জৰিয়তে পৰিষদৰ ৰাজ্যিক সভাপতি ৰাজীৱ কাকতিয়ে তিনিজন প্ৰাৰ্থীৰ নাম ঘোষণা কৰে ৷ সভাপতি ৰাজীৱ কাকতিয়ে গুৱাহাটী নিৰ্বাচন ক্ষেত্ৰৰ কাৰণে ৰাজীৱ কাকতি,বৰপেটা নিৰ্বাচনৰ কাৰণে ভাস্কৰ কলিতা আৰু ডিব্ৰুগড় নিৰ্বাচন ক্ষেত্ৰৰ কাৰণে অপূৰ্ব শইকীয়াৰ নাম ঘোষণা কৰে ।
অন্যহাতে দ্বিতীয়খন তালিকা ২২ মাৰ্চত ঘোষণা কৰিব ৷ কৰীমগঞ্জ,যোৰহাট, চিলচৰ,ধুবুৰী,মংগলদৈ,কলিয়াবৰ আৰু লক্ষীমপুৰৰ তালিকা ঘোষণা হ’ব ২২ মাৰ্চত ৷ উল্লেখ্য যে, দলটোৱে নিজৰ উদ্দেশ্যৰ কথাও উল্লেখ কৰে ৷ তাৰ ভিতৰত অসমক বাংলাদেশীৰ পৰা মুক্ত কৰা,নিবনুৱা সমস্যা দুৰ কৰা,বানপানীক ৰাষ্ট্ৰীয় সমস্যা ৰূপে ঘোষণা কৰা আদি ৷
অধিক খবৰৰ বাবে পঢ়ক : ৰাজ্যিক বাতৰি
