Begin typing your search above and press return to search.

আস্থা ভোটত কংগ্ৰেছক হেৰুৱাই কৰিমগঞ্জ পৌৰসভা দখল কৰিলে বিজেপিয়ে

আস্থা ভোটত কংগ্ৰেছক হেৰুৱাই কৰিমগঞ্জ পৌৰসভা দখল কৰিলে বিজেপিয়ে

Sentinel Digital DeskBy : Sentinel Digital Desk

  |  7 Sep 2018 1:53 PM GMT

কংগ্ৰেছ পৰিচালিত কৰিমগঞ্জ পৌৰসভাৰ বিৰুদ্ধে বিজেপিয়ে অনাস্থা প্ৰস্থাব আনিলে বৃহষ্পতিবাৰে ভোটাভোটি হয় । সেই ভোটত অনাস্থাৰ পক্ষে ১৫টাকৈ ভোট আৰু অনস্থাৰ বিপক্ষে ১০টাকৈ ভোটদান হয় । যাৰ বাৱে কংগ্ৰেছৰ দখলৰ পৰা গুছি যায় পৌৰবোৰ্ডখন । পৌৰসভা দখলৰ পাছত উত্ফোল্লিত হৈ উঠে বিজেপি পৌৰ সদস্য সকল । ৰাজপথত সমদল কৰি দলীয় কাৰ্য্যালয়ৰ সম্মূখত আহি ফটকা ফুটাই আনন্দ উপভোগ কৰে দলীয় সদস্যসকলে । উল্লেখ্য ২৭ গৰাকি সদস্য আৰু এজন চৰকাৰ মনোনিত সদস্য লৈ কৰিমগঞ্জ পৌৰসভাৰ আচন সংখ্যা মোট ২৮ । আজিৰ ভোটত দুজনকৈ কংগ্ৰেছ সদস্য অনুপস্থিত আছিল আৰু ২৬টাকৈ ভোটৰ মাজত এটা ভোট বাতিল হৈছিল ।

মন কৰিবলগিয়া যি, বিজেপিয়ে পৌৰসভা দখলৰ চেষ্ঠা আৰু কংগ্ৰেছে আজুৰি ৰখাৰ ৰাজনীতি লৈ বহুদিন ধৰি কৰিমগঞ্জ পৌৰসভাত অচলাবস্থাৰ সৃষ্ঠি হৈ আছিল । চহৰৰ জাৱৰ আৰু নলা চফাকে ধৰি বিভিন্ন উন্নয়নমুলক কাম স্থব্ধ হৈ পড়িছিল । এই ক্ষেত্ৰত বিজেপিয়ে কংগ্ৰেছ পৰিচালিত বোৰ্ডক দোষাৰোপ কৰি আহিছিল । ইয়াৰ পূৰ্বেও দুবাৰকৈ অনাস্থা প্ৰস্থাব আনি পৌৰবোৰ্ড দখলৰ চেষ্ঠা চলাইছিল বিজেপিয়ে । এতিয়া তৃতীয়বাৰৰ চেষ্ঠাত সফল হৈ বিজেপিয়ে দখল কৰিলে কৰিমগঞ্জ পৌৰসভা ।

Next Story