উত্তৰ পূৰ্বাঞ্চলত কংগ্ৰেছৰ অধ্যক্ষ ৰাহুল গান্ধীয়ে ৩,৪ এপ্ৰিলত ৰেলীত অংশগ্ৰহণ কৰিব
লোকসভা নিৰ্বাচন ওচৰ চাপি অহাৰ লগে লগে উত্তৰ পূৰ্বাঞ্চলৈ কেন্দ্ৰীয় নেতাৰো অগমন বৃদ্ধি পোৱা পৰিলক্ষিত হৈছে । ইতিমধ্যে লোকসভা নিৰ্বাচনৰ বাবে বিজেপিৰ হৈ ৰনডংগা বজালে দেশৰ প্ৰধানমন্ত্ৰী নৰেন্দ্ৰ মোদী আৰু বিজেপিৰ ৰাষ্ট্ৰীয় সভাপতি অমিত শ্বাহে । এইবাৰ কংগ্ৰেছৰ অধ্যক্ষ ৰাহুল গান্ধীয়ে নিজৰ দলৰ হৈ নিৰ্বাচনী প্ৰচাৰ চলাবলৈ অসমত আহি উপস্থিত হব।
৩ আৰু ৪ এপ্ৰিলত কংগ্ৰেছৰ অধ্যক্ষ ৰাহুল গান্ধীয়ে অসম তথা উত্তৰ-পূৰ্বাঞ্চলত ৪ টা ৰেলীত আৰু কেইবাখনো দলৰ বৈঠকত অংশগ্ৰহন কৰিব । ৩ এপ্ৰিলত ৰাহুল গান্ধী নাগালেণ্ড আৰু ডিমাপুৰত উপস্থিত হৈ পিছত কলিয়াবৰ লোকসভা নিৰ্বাচনৰ বোকাখাত আৰু লক্ষিমপুৰ লোকসভা সমষ্টি আৰু চিলংত দুখন বৈঠকত অংশগ্ৰহন কৰি , নিশাতো চিলংতে কটাব । আনহাতে ৪ এপ্ৰিলত কৰিমগঞ্জৰ এক ৰেলীত অংশগ্ৰহণ কৰি উৰিষ্যালৈ ৰাওনা হ'ব ৰাহুল গান্ধী।
প্ৰধানমন্ত্ৰী নৰেন্দ্ৰ মোদীয়ে ইতিমধ্যে ৩০ মাৰ্চত নিৰ্বাচনী প্ৰচাৰ চলাবলৈ অসম আহি উপস্থিত হৈছিল । পুনৰ ৭ এপ্ৰিলত উত্তৰ পূৰ্বাঞ্চলৈ আহিব প্ৰধানমন্ত্ৰী নৰেন্দ্ৰ মোদী। ৭ এপ্ৰিলত প্ৰধানমন্ত্ৰী নৰেন্দ্ৰ মোদীয়ে বৰাক উপত্যকাৰ ত্ৰিপুৰা, ইম্ফল আৰু শিলচৰৰ ৰেলীত অংশগ্ৰহণ কৰিব ।
অধিক খবৰৰ বাবে পঢ়ক:শীৰ্ষ বাতৰি
