বুধবাৰে তিনিচুকীয়া জিলাৰ দিনজানত নিৰাপত্তা দিশৰ ওপৰত এখন উচ্চ পৰ্যায়ৰ বৈঠক অনুস্থিত হয় । জেষ্ঠ সেনা বিষয়াৰ লগতে অসামৰিক বাহিনী আৰু অসম, নাগালেণ্ড আৰু অৰুনাচল প্ৰদেশৰ কেন্দ্ৰীয় সেনা আৰক্ষী বাহিনীৰ বিষয়াৰ উপস্থিতিত অপাৰেচন গ্ৰুপ এই বৈঠকত উপস্থিত থাকে ।
এই বৈঠকত উপস্থিত থাকে স্পেয়েৰ ক'ৰপ কামাণ্ডাৰ লেফটেন্টেট জেনেৰেল ৰাজীৱ চিৰহি, কেন্দ্ৰীয় গৃহ মন্ত্ৰালয়ৰ সহকাৰী সম্পাদক সত্যন্দ্ৰ গাৰ্গ, দা'অ ডিভিজনৰ কমাণ্ডিঙ জেনেৰেল অফিচাৰ মেজৰ জেনেৰেল ৰাজেন্দ্ৰ শ্বাহদেৱ , অসমৰ এডিজিপি হাৰমীট সিঙ আৰু অৰুনাচল প্ৰদেশৰ আই জি পি সাগৰ প্ৰীত হুদা উপস্থিত থাকে ।
এই বৈঠকতে উজনি অসম , দক্ষিণ অৰুণাচল প্ৰদেশ আৰু নাগালেণ্ডৰ নিৰাপত্তা দিশটোৰ পৰ্যালোচনা কৰা হয় ।
আগন্তুক লোকসভা নিৰ্বাচনৰ প্ৰস্তুতিৰ সন্দৰ্ভতো আলোচনা কৰা হয় এই বৈঠকতে। নিৰ্বাচনৰ সময়ত প্ৰয়োজনীয় নিৰাপত্তা দিশত আলোচনা কৰাৰ লগতে স্পৰ্শকাতৰ অঞ্চল সমূহৰ নিৰাপত্তাৰ দিশত পৰ্যালোচনা কৰা হয় ।
যোৱা বছৰ ১১ নবেম্বৰত এখন উচ্চ পৰ্যায়ৰ নিৰাপত্তা বৈঠকত অপাৰেচন গ্ৰুপ গঠনৰ প্ৰস্তাৱ দিছিল। তাৰ পাছত দিনজানত অপাৰেচন গ্ৰুপৰ ৩ খন ৰাজ্যৰ নিৰাপত্তাৰ দিশৰ সন্দৰ্ভত ৪ খন বৈঠকত মিলিত হৈছিল ।
অধিক খবৰৰ বাবে পঢ়ক : শীৰ্ষ বাতৰি
