একতা কাপুৰৰ বিশেষ ইংগিত নাগিন ৩ ত দেখা যাব বলীউডৰ এই গৰাকী অভিনেত্ৰীক

বলীউডৰ অভিনেত্ৰী মৌনি ৰয়ক দেখিবলৈ পাব পাৰে নাগিন ৩ত । মৌনি ৰয়ক নাগিন ধাৰাবাহিকখনত দেখিবলৈ পোৱা গৈছিল যদিও সম্প্ৰতি বলীউডত ব্যস্ত হৈ পৰাৰ কাৰণে ধাৰাবাহিকখন এৰিবলৈ বাধ্য হয় অভিনেত্ৰী গৰাকী ৷ অৱশ্যে পৰিচালক একতা কাপুৰে ইতিমধ্যে ইনষ্টাগ্ৰাম প’ষ্টৰ জৰিয়তে মৌনি ৰয়ক পুনৰাই ধাৰাবাহিকখনত দেখা পোৱাৰ কথা ইংগিত দিছে ৷

https://www.instagram.com/p/BwZJikuHH6D/

কাৰণ নাগিন ৩ ধাৰাবাহিকখন সম্প্ৰতি শেষ পৰ্যায়ত উপনীত হৈছে ৷ সেয়েহে একতা কাপুৰে ইনষ্টাগ্ৰাম পষ্ট’ত লিখিছে যে নাগিনৰ সকলো অনুৰাগীয়ে নিজৰ আসনৰ বেল্ট বান্ধি লওঁক। ধাৰাবাহিকখনে শেষান্তৰত উপস্থিত হৈছে। অন্যহাতে নাগিনৰ প্ৰথম দুয়োটা খণ্ডত দেখিবলৈ পোৱা গৈছিল মৌনি ৰয় আৰু আদা খানক ৷মৌনি ৰয় আৰু আদা খানে ধাৰাবাহিক খন এৰাৰ পিছত অভিনেত্ৰী সুৰভি জ্যোতি,অনিতা হচনন্দনী আৰু কৰিশ্মা তান্নাই ইচ্ছাধাৰী নাগিনৰ চৰিত্ৰত অভিনয় কৰে ৷

মৌণি ৰয়ে অক্ষয় কুমাৰৰ লগতে গল্ড ছবিৰ জৰিয়তে বলীউডত প্ৰবেশ কৰে ৷ ইয়াৰ পিছত জন আব্ৰাহামৰ লগত ৰ’মিঅ’ আকবৰ ৱালটাৰ,ব্ৰহ্মাস্ত,মেড ইন চাইনা আৰু বোলে চুৰিয়া ছবিত দেখা যাব সৰু পৰ্দা তথা বলীউডৰ অভিনেত্ৰী মৌনি ৰয়ক।

ব’লে চুৰিয়াত একেলগে দেখিবলৈ পোৱা যাব নৱাজুদ্দীন চিদ্দীকী আৰু মৌনি ৰয়ক ৷ বুডপেকৰ মুভীছৰ প্ৰডাকশ্যনত নিৰ্মিত ছবিখনৰ নিৰ্দেশন কৰিছে নবাজ সমাস চিদ্দীকীয়ে ৷ব’লে চুৰিয়াৰ দৃশ্য গ্ৰহণ মে’ৰ পৰা আৰম্ভ হ’ব ৷ লগতে ছবিখন মুক্তি পাব অক্টোবৰত ৷ ব’লে চুৰিয়া ছবিখনৰ সন্দৰ্ভত পৰিচালক ৰাজেশ ভাটিয়াই কয় যে,নৱাজুদ্দীন চিদ্দীকী আৰু মৌনি ৰয়ৰ কেমেষ্টী,এই ছবি খনৰ কাৰণে বিশেষ ভাৱেই উল্লেখ্য, কাৰণ নৱাজুদ্দীন আৰু মৌনি অসাধাৰণ কলাকাৰ ৷

ছবিখনৰ অন্য এগৰাকী পৰিচালক কিৰণ ভাটিয়াই কয় যে যেতিয়াই আমি প্ৰথমবাৰৰ কাৰণে নৱাজুদ্দীন আৰু মৌনি ৰয়ৰ লগত দৃশ্যগ্ৰহণ কৰিছিলো তেতিয়াই আমি দুয়োজনৰে অসাধাৰণ কেমেষ্টী প্ৰত্যক্ষ কৰিছিলো । আৰু অনুভৱ কৰিছিলো যে নৱাজুদ্দীন আৰু মৌনি ৰয়ৰ কেমেষ্টীয়ে বি টাউনত খলকনি তুলিব ৷মৌনি ৰয়ৰ সন্দৰ্ভত নৱাজুদ্দিন চিদ্দীকীয়ে কয় যে ,মৌনিৰ প্ৰতিভা বিকাশ হ’বলৈ এতিয়াও বাকী আছে । মৌনিৰ মাজত বহুত প্ৰতিভা আছে ৷ মৌনি নিজৰ চৰিত্ৰত বিশ্লেষণ কৰি ভাল পায় ৷মৌনি ৰয় এই চৰিত্ৰটোৰ কাৰণে উপযুক্ত ৷ মোৰ অনুভৱ আমি দুয়ো মিলি বি টাউনত স্থান লাভ কৰাত সফল হ’ম ৷ এই কাহিনীটো পৃথক ৷মই এই চৰিত্ৰটোত কাম কৰাৰ কাৰণে আগ্ৰহী ৷

ইফালে ২০১৮ চনত অক্ষয় কুমাৰৰ লগত ছবি গল্ডত অভিনয় কৰা মৌনি ৰয় নৱাজুদ্দীন চিদ্দীকীৰ লগত অভিনয় কৰাৰ কাৰণে যথেষ্ট সুখী ৷ ছবি খনত নিজৰ চৰিত্ৰটোৰ সন্দৰ্ভত মৌনি ৰয়ে কয় যে মোৰ চৰিত্ৰটো সৰু চহৰৰ এজনী উৎপতীয়া ছোৱালীৰ ৷ মোৰ অনুভৱ যে সম্প্ৰতি, মই মোৰ চৰিত্ৰটোৰ বিষয়ে একো নকওঁ ৷ মই মোৰ চৰিত্ৰটোক ভালকৈ বুজিবলৈ চেষ্টা কৰি আছোঁ ৷ লগতে মৌনি ৰয়ে কয় যে,মোৰ চৰিত্ৰ টোৰ বিশেষত্ব এইয়াই যে মই কথা কোৱাত বৰ পাকৈত ৷ চৰিত্ৰটোৱে নৃত্য কৰি ভাল পায় । আৰু বাস্তৱত বিশ্বাস কৰি ভাল পোৱা এজনী ছোৱালী ৷ মই হিন্দী ছবিৰ অভিনেত্ৰী হিচাপে এই বিশেষ চৰিত্ৰটোত অভিনয় কৰিবলৈ পায় অত্যন্ত সুখী ৷ তাৰ কাৰণে মোৰ চিন্তা ভাৱনাক পৃথক কৰিব লাগিব ৷ যাতে মই মোৰ চৰিত্ৰটোৰ লগত ন্যায় কৰিব পাৰো আৰু চৰিত্ৰটোক বাস্তৱত ৰূপায়িত কৰিব পাৰো ৷

অধিক খবৰৰ বাবে পঢ়ক : মনোৰঞ্জন