কুম্ভ মেলাৰ উদ্দেশ্য প্ৰয়াগৰাজত প্ৰস্তুতি তুংগত

অহা বৰ্ষৰ জানুৱাৰী মাহত অনুষ্ঠিত হ’বলগীয়া কুম্ভ মেলাৰ কাৰণে সম্প্ৰতি উখল মাখল পৰিবেশৰ সৃষ্টি হৈছে এলাহাবাদ অৰ্থাৎ প্ৰয়াগৰাজত ৷ কুম্ভ মেলাৰ লগত সংগতি ৰাখি ভাৰতীয় ৰেলৱেই বিশেষ সুবিধা আগবঢ়াইছে যাত্ৰীসকলৰ কাৰণে ৷ বিভিন্ন ৰেলত ভাৰতীয় ৰেল বিভাগে বিভিন্ন সা সুবিধাৰ উদ্যোগ গ্ৰহণ কৰিছে ৷ অহা বৰ্ষৰ জানুৱাৰীমাহত হ’ব লগীয়া কুম্ভ মেলাত ৰেলবিভাগৰ "মেলা চাৰ্জ" ৰ ব্যৱস্থা নাথাকিব ৷ "মেলা চাৰ্জ" হৈছে যিকোনো উৎসৱৰ সময়ত যাত্ৰীসকলৰ পৰা লোৱা কৰ ৷কিন্তু এই বাৰ যাত্ৰীসকলক "মেলা চাৰ্জ"ৰ পৰা ৰেহাই দিছে ভাৰতীয় ৰেল বিভাগে ৷

ইফালে সমগ্ৰ দেশতে আয়োজিত হোৱা যিকোনো উৎসৱ বা মেলাত ৰেলৱেৰ যাত্ৰীসকলৰ পৰা ৰেল বিভাগে এটা সামান্য কৰ আদায় কৰে ৷ কিন্তু, যাত্ৰীসকলৰ পৰা ৰেলৱে বিভাগে আদায় কৰা কৰসমূহ সেই মেলাসমূহতো ব্যয় কৰে ৷আনহাতে,জানুৱাৰী মাহত অনুষ্ঠিত হ’বলগীয়া কুম্ভ মেলাত প্ৰায় ৭০০ কোটি টকাৰ ৪১ খন আঁচনি আৰম্ভ কৰিছে ৷ ৰেলৱেৰ এজন বিষয়াৰ মন্তব্য অনুসৰি, ৪১খন আঁচনিৰ ভিতৰত ২৯ খন আঁচনিৰ কাম সম্প্ৰতি শেষ হৈছে ৷ যদিও বাকী কেইখনৰ কাম অনতি পলমে সমাপ্ত হ’ব ৷

এই সন্দৰ্ভত উত্তৰ মধ্য প্ৰদেশৰ মহা প্ৰবন্ধক ৰাজীৱ চৌধুৰীয়ে মন্তব্য কৰে যে প্ৰয়াগৰাজ ৰেলৱে ষ্টেচনত চাৰিটা নিবাস নিৰ্মাণ কৰিছে ৷ য’ত প্ৰায় ১০,০০০ জন তীৰ্থযাত্ৰীৰ কাৰণে বিভিন্ন সুবিধা উপলব্ধ হ’ব ৷ অন্যহাতে, কুম্ভ মেলালৈ অহা যাত্ৰীসকলৰ সুবিধাৰ কাৰণে প্ৰয়াগৰাজৰ বিভিন্ন জিলাৰ বিভিন্ন ষ্টেচনৰ পৰা প্ৰায় ৮০০খন ৰেলৰ সুবিধা প্ৰদান কৰাৰ প্ৰস্তাৱ লৈছে ভাৰতীয় ৰেলৱেই৷ ইফালে প্ৰবাসী ভাৰতীয়সকলৰ কাৰণে ভাৰতীয় ৰেলৱেৰ লৈছে এক বিশেষ সুবিধা ৷

প্ৰায় ৫০০০ প্ৰবাসী ভাৰতীয়ক এলাহাবাদৰ পৰা নতুন দিল্লীলৈ যাবৰ কাৰণে প্ৰায় চাৰি পাঁচখন বিশেষ ট্ৰেইনৰ ব্যৱস্থা কৰিছে ৰেলৱে কৰ্তৃপক্ষই ৷ এই প্ৰবাসী ভাৰতীয়সকল বাৰাণসীত অনুষ্ঠিত হ’বলগীয়া প্ৰবাসী ভাৰতীয় দিৱসত অংশগ্ৰহণ কৰিবলৈ যোৱাৰ পিছত কুম্ভ মেলাত অংশগ্ৰহণ কৰিবৰ কাৰণে এলাহাবাদলৈ যাত্ৰ কৰিব । লগতে কুম্ভ মেলাত অংশগ্ৰহণ কৰিবলৈ অহা যাত্ৰীসকলৰ সুবিধাৰ্থে AIE অৰ্থাৎ আৰ্টিফিচিয়েল ইন্টেলীজেন্সৰ ব্যৱস্থা কৰিছে ৷ লগতে ইয়াত ব্যৱস্থা কৰিছে উন্নত মানদণ্ডৰ চিচিটিভী ব্যৱস্থা কৰিছে ৰেলৱে বিভাগে ৷

অধিক খবৰৰ বাবে পঢ়ক : শীৰ্ষ বাতৰি