কৈৱৰ্ত সম্প্ৰদায়ৰ মহিমামণ্ডিত ইতিহাসক সংৰক্ষণ কৰাৰ লগতে এক বৌদ্ধিক আৰু সাংস্কৃতিক বাতাবৰণ গঢ়ি তোলাৰ কাৰণে দেওবাৰে গোলাঘাটত কৈৱৰ্ত সাহিত্য আৰু সংস্কৃতি সভা নামেৰে এটি সংগঠন গঠন কৰে ৷ এই সন্দৰ্ভত গোলাঘাট পৌৰসভাৰ প্ৰাংগণত লক্ষ্মীনাথ বেজবৰুৱাৰ প্ৰেক্ষাগৃহত এখন সভা আয়োজন কৰে ৷
সভাখনত সভাপতিত্ব কৰে লেখক আৰু ইতিহাসকাৰ সূতৰাম দাসে ৷ সভাখনত মুখ্য উপদেষ্টা ৰূপে ড° প্ৰফুল্ল হাজৰিকা,সভাপতি ৰূপে সূতৰাম দাস আৰু কাৰ্যবাহী সম্পাদকৰূপে তিলক চন্দ্ৰ দাসৰ সহিতে এখন কমিটী গঠন কৰে ৷সভাখনত ভাগ লৈ পৰমানন্দ দাসে কয় যে কৈৱৰ্তসকলৰ অসমৰ ভূমিপুত্ৰ ৷
অসমত কৈৱৰ্তসকলৰ এক গৌৰৱশালী ইতিহাস আছে ৷ বৰ্তমান এই গৌৰৱশালী ইতিহাসক সংৰক্ষণ কৰিব লাগে ৷লগতে, বুদ্ধিজীৱীসকলে এই ক্ষেত্ৰত উল্লেখযোগ্য ভূমিকা বহন কৰিব লাগে ৷
অধিক খবৰৰ বাবে পঢ়ক : ৰাজ্যিক বাতৰি