দেশৰ বিভিন্ন প্ৰান্তৰ প্ৰায় হাজাৰৰো অধিক লোকে এই উৎসৱটিত ভিৰ কৰা পৰিলক্ষিত হৈছে । বাউখংগী উৎসৱটিত পৰম্পৰাগত খাদ্য, খেলৰ প্ৰতিযোগিতা, পৰ্বতাৰোহন প্ৰতিযোগিতা, সাংস্কৃতিক অনুষ্ঠান লগতে বহুতো প্ৰতিযোগিতা আৰু অনুষ্ঠানৰ আয়োজন কৰা হয় ।
বাউখংগী উৎসৱটি কোকৰাঝাৰ চহৰৰ পৰা ১০ কিলোমিটাৰ নিলগত অৱস্থিত বিখ্যাত বাউখংগী পাহাৰত অনুষ্ঠিত হয় । অঞ্চলতো চক্ৰাশিলা বন্যপ্ৰানী অভয়াৰণ্যৰ অধিনত । বন্য প্ৰাণীৰ লগতে প্ৰাকৃতিক সৌন্দৰ্য্যৰ সমাহাৰ এই অঞ্চলটো ।
হাজাৰৰো অধিক বিভিন্ন জাতি জনগোষ্ঠীৰ লোকে প্ৰত্যেক বছৰে সংক্ৰান্তি ৰ শেষৰ দিনা বাউখংগী পাহাৰ বগাই। বুৰঞ্জী প্ৰসিদ্ধ যে দাউখা ৰজাৰ ৰাজকুমাৰী দিপলাই প্ৰেমিক ৰাজকুমাৰৰ মৃত্যুৰ খবৰ পাই এই পাহাৰৰ পৰা জপিয়াই আত্ম হত্যা কৰিছিল । এই পাহাৰটো অতিক্ৰম কৰিলে মনৰ ইচ্ছা পুৰন হয় বুলি জন বিস্বাস আছে ।
বিটিচি প্ৰিঞ্চিপাল ছেক্ৰেটৰী বি চি ফুকন উৎসৱটি মুকলি কৰে । লগতে বিভিন্ন জনে বিভিন্ন প্ৰতিযোগিতা সমূহত মুকলি কৰে । বাউখংগী উৎসৱক লৈ উখল মাখল কোকৰাঝাৰৰ বাউখংগী পাহাৰ ।
অন্য খবৰৰ বাবে পঢ়ক : ৰাজ্যিক বাতৰি