ক্ৰমে মৃতপ্ৰায় অৱস্থালৈ ধাৱমান আইলেণ্ড ৱাটাৰ টান্সপ’ৰ্ট

জলপৰিবহনত জনসাধাৰণৰ সুবিধাৰ্থে সংযোগ হ’বলৈ গৈ আছে ৰ’ৰো জাহাজ। ৰাজ্যৰ আইলেণ্ড ৱাটাৰ টান্সপ’ৰ্টে ব্যৱস্থা কৰা ৰ’ৰো জাহাজৰ ক্ষেত্ৰত সুখী হৈছে যাত্ৰী সকল ৷ কিন্তু উত্তৰ পূবৰ একমাত্ৰ প্ৰশিক্ষণ কেন্দ্ৰটি এতিয়াও পুনৰুজ্জীৱিত কৰা কাৰণে বিভাগীয় কৰ্তৃপক্ষৰ কোনো ভ্ৰুক্ষেপ নাই ৷ ১৯৭০ চনতে স্থাপিত প্ৰশিক্ষণ কেন্দ্ৰটোত সম্প্ৰতি প্ৰশিক্ষাৰ্থীসকলক তালিকাভুক্ত কৰা নাই। তাৎপৰ্য্য পূৰ্ণ এয়ে যে উত্তৰ পূবৰ অন্য ৰাজ্যৰ বহু প্ৰাৰ্থী পৰীক্ষাৰ কাৰণে এই কেন্দ্ৰটিলৈ আহে ৷ কিন্তু, ফলাফল ঘোষণাৰ পিছত প্ৰমাণপত্ৰ লগত লৈ যায় প্ৰাৰ্থীসকলে ৷

সম্প্ৰতি,প্ৰশিক্ষণ কেন্দ্ৰটিত অন্যান্য কৰ্মচাৰীৰ লগতে প্ৰশিক্ষকৰ দুটা স্কীকৃতি প্ৰাপ্ত পদ আৰু অধীক্ষকৰ এটা স্বীকৃতি প্ৰাপ্ত পদ দীৰ্ঘ সময় ধৰি খালী হৈ আছে ৷ এক বিশেষ সূত্ৰৰ খবৰ অনুসৰি,গুৱাহাটীৰ ফেন্সী বজাৰস্থিত ৰাজদ্বাৰ ঘাটত অৱস্থিত প্ৰশিক্ষণ কেন্দ্ৰটি ১৯৯৯ চনলৈকে যথাযথ ভাৱে চলি আছিল ৷ ইয়াৰ পিছত ২০১০ চনৰ পৰা প্ৰশিক্ষণ দিয়াৰ প্ৰক্ৰিয়াটো সীমিত হৈ আহিবলৈ ধৰে ৷ অৱশ্যে ২০১০ চনৰ পিছৰ পৰা প্ৰশিক্ষণ কেন্দ্ৰটি ক’মাত যোৱাৰ দৰে হয়৷এই ক্ষেত্ৰত বিভাগীয় বিষয়াসকলে কি ব্যৱস্থা ল’ব সেয়া হ’ব লক্ষ্যনীয় ৷

অধিক খবৰৰ বাবে পঢ়ক : ৰাজ্যিক বাতৰি