কৰ্মচাৰীৰ অভাৱত অসুবিধাৰ সন্মুখীন অপৰাধ তদন্তকাৰী বিভাগ (চি আই ডি)
কৰ্মচাৰীৰ অভাৱত অসমৰ অপৰাধ তদন্তকাৰী বিভাগ (চি আই ডি)ত অসুবিধাৰ সন্মুখীন হৈছে । ২০১৯ চনৰ ফেব্ৰুৱাৰী মাহলৈকে অপৰাধ তদন্তকাৰী বিভাগ (চি আই ডি)ত ৪৪ টা অনুসন্ধানকাৰী অফিচাৰৰ পদ খালী হৈ আছে। ৪৪ টা পদৰ ভিতৰত এটা আৰক্ষীৰ জিলা অধীক্ষকৰ, ৩১ টা পৰিদৰ্শক, ৬ টা উপ- পৰিদৰ্শক আৰু ৬ টা সহকাৰী উপ পৰিদৰ্শকৰ পদ খালী হৈ আছে ।
অনুসন্ধানকাৰী বিষয়া আৰু অন্যান্য সহ বৰ্তমান অসমৰ অপৰাধ তদন্তকাৰী বিভাগ (চি আই ডি)ত ৪১০ জন কৰ্মচাৰী আছে । অসম আৰক্ষীৰ বিভিন্ন বিভাগ আৰু সংস্থাত ৪১ জন বিষয়া আৰু কৰ্মচাৰী আছে । সেয়েহে, বাস্তৱিকতে তেওঁলোকে অপৰাধ তদন্তকাৰী বিভাগ (চি আই ডি)ৰ হৈ কাম কৰাত অসুবিধাৰ সন্মুখীন হৈছে ।
অপৰাধ তদন্তকাৰী বিভাগ (চি আই ডি) এটা অনুসন্ধানকাৰী সংস্থা । ১৯০২ চনতে বৃটিছ চৰকাৰে গঠন কৰিছিল অপৰাধ তদন্তকাৰী বিভাগ (চি আই ডি)। চি আই ডিয়ে সাধাৰণতে কঠিন গোচৰ সমুহ সমাধান কৰে । যেন ডকাইতি কাণ্ড, যৌন নিৰ্যাতন, ভূৱা, হত্যাকাণ্ড আৰু টকা সম্পৰ্কীয় কেলেংকাৰী আদি গোচৰ সমুহ অপৰাধ তদন্তকাৰী বিভাগ (চি আই ডি)য়ে অনুসন্ধান কৰে ।
উল্লেখযোগ্য যে, চৰকাৰে অপৰাধ তদন্তকাৰী বিভাগ (চি আই ডি)ত খালী হৈ থকা পদ সমূহ পূৰণৰ ক্ষেত্ৰত ব্যবস্থা গ্ৰহণ কৰিব লাগে । খালী পদ সমূহৰ পুৰণ হ'লে হে জমা হৈ থকা গোচৰ সমুহ খৰতকীয়াকৈ মীমাংসা কৰিবলৈ সুবিধা হব।
অধিক খবৰৰ বাবে পঢ়ক : ৰাজ্যিক বাতৰি
