গুৱাহাটীত উৎখাত ভূৱা কল চেন্টাৰঃ ৩৭ জন লোকক গ্ৰেপ্তাৰ
অপৰাধ অনুসন্ধান শাখাই মংগলবাৰে গুৱাহাটীৰ জু নাৰেংগী ৰোডৰ পৰা এটা ভূৱা ক’ল চেন্টাৰ উৎখাত কৰে ৷ ইফালে এই সমগ্ৰ ঘটনাৰ মূল অভিযুক্ত ৰাজেশ খান ওৰফে ৰাজেশ মুখাৰ্জী ওৰফে ৰাজেশ ভাইক অপৰাধ অনুসন্ধান শাখাই গুৱাহাটীৰ নেহেৰু পাৰ্কৰ পৰা গ্ৰেপ্তাৰ কৰে। ৰাজেশ মুখাৰ্জী হৈছে গুজৰাটৰ আহমেদাবাদৰ বাসিন্দা ৷
অপৰাধ অনুসন্ধান শাখাৰ তথ্য অনুসৰি সময়ে সময়ে ৰাজেশে নাম পৰিৱৰ্তন কৰি ৰাজেশ মুখাৰ্জী,ৰাজেশ খানলৈ পৰিৱৰ্তন কৰিছিল ৷ উল্লেখ্য যে, অভিযুক্তই গুৱাহাটীৰ জালুকবাৰীত অ’ডি শ্ব’ৰুমৰ বিপৰীতে হোটেল হাইৱে’ পেলেচৰ ওচৰত এটা ঘৰ ভাৰাত লৈছিল ৷ অপৰাধ অনুসন্ধান শাখাই অভিযুক্ত ৰাজেশৰ স্থানৰ সম্ভেদ পায় ।কিন্তু অপৰাধ অনুসন্ধান শাখা সেই স্থানত উপস্থিত হোৱালৈ পলায়ন কৰিবলৈ সক্ষম হয় ৰাজেশ ৷ কিন্তু ৰাজেশক বিয়লি গ্ৰেপ্তাৰ কৰিবলৈ সক্ষম হয় চিআইডিয়ে ৷
ইফালে, অপৰাধ অনুসন্ধান শাখাই এই ঘটনা সন্দৰ্ভত ৯ গৰাকী যুৱতীকে ধৰি মুঠ ৩৭ জন লোকক গ্ৰেপ্তাৰ কৰিছে ৷ গুৱাহাটীত অপৰাধ অনুসন্ধান শাখাৰ কাৰ্যালয়ত এখন সংবাদমেল আয়োজন কৰি চি আই ডিৰ অতিৰিক্ত সঞ্চালক প্ৰধানে কয় যে আমেৰিকা যুক্তৰাষ্ট্ৰৰ বিভিন্ন জনসাধাৰণৰ প্ৰতাৰণা,প্ৰবঞ্চনাৰ কৰাৰ কাৰণে ৯ গৰাকী যুৱতীকে ধৰি ২৮ জন যুৱকৰ লগতে মুঠ ৩৭ জন লোকক গ্ৰেপ্তাৰ কৰা হৈছে ৷
ইয়াৰোপৰি চি আই ডি য়ে ২২টা মণিটৰ,৪০ টা চি পি ইউ, ২ টা পেনড্ৰাইভ,৩২ টা ম’বাইল হেণ্ডছেট, এটা লেপটপকে ধৰি বহু সামগ্ৰী জব্দ কৰে ৷ ইয়াৰ মাজতে অপৰাধ অনুসন্ধান শাখাই ভাৰতীয় দণ্ডবিধিৰ ১২০(বি),৪১৯/৪২০/৪৬৮/৪৭১/৩৮৪ আৰু আই এক্টৰ ৬৬ ধাৰাৰ অধীনত ১২/১৯ নম্বৰৰ গোচৰ ৰজু কৰে ৷
অন্য খবৰৰ বাবে পঢ়ক : ৰাজ্যিক বাতৰি
