Top
Begin typing your search above and press return to search.

গুৱাহাটীৰ পানবজাৰ স্থিত ডন বক্স স্কুলত "ইক’ফেষ্ট"ৰ আয়োজন

গুৱাহাটীৰ পানবজাৰ স্থিত ডন বক্স স্কুলত ইক’ফেষ্টৰ আয়োজন

Sentinel Digital DeskBy : Sentinel Digital Desk

  |  27 May 2019 8:15 AM GMT

গুৱাহাটীৰ পানবজাৰ স্থিত ডন বক্স’ স্কুলৰ ইক’ ক্লাবে "ইক’ফেষ্ট"নামৰ এটি অনুষ্ঠানৰ আয়োজন কৰে ৷ চলিত বৰ্ষৰ ইক’ফেষ্টত পৰিবেশ সম্বন্ধীয় বিভিন্ন বিষয়ৰ ওপৰত জাগৰণৰ সৃষ্টি কৰিবলৈ চেষ্টা কৰা হৈছে ৷ এই অনুষ্ঠানত পৰিবেশ সংৰক্ষণৰ ক্ষেত্ৰত গুৱাহাটীৰ যুৱকসকলক একত্ৰিত কৰাৰ লগতে ৰাজ্যত পৰিবেশ সংৰক্ষণ কৰাৰ ক্ষেত্ৰত বিভিন্ন পদক্ষেপ লোৱাৰ সন্দৰ্ভত আলোচনা কৰা হয় ৷

লগতে প্লাষ্টিক বটলৰ ব্যৱহাৰৰ অনুপযোগিতা সন্দৰ্ভেও এই অনুষ্ঠানত উল্লেখ কৰা হয় ৷ অনুষ্ঠানটিত উত্তৰ পূৱৰ ইউ এন চেপ্তাৰৰ ড° অশ্বিনী শৰ্মাই পৃথিৱীৰ কেনেদৰে পৰিৱৰ্তন হৈছে এই সন্দৰ্ভত মন্তব্য প্ৰদান কৰে ৷ মুখ্য অতিথি এ এম সিঙে উপস্থিত ছাত্ৰ ছাত্ৰীসকলক প্ৰেৰণা দিয়ে ৷

ইফালে ইকো ক্লাবৰ সভাপতি ঋষভ পৰাশৰে ভাষণ প্ৰসংগত কয় যে প্ৰদূষণ সৃষ্টি কৰিব নালাগে, প্ৰদূষণৰ সমাধান কৰিব লাগে ৷ অনুষ্ঠানটিত বিভিন্ন আলোচনাৰ পিছত বিভিন্ন প্ৰতিযোগিতাৰ আয়োজন হয় ৷এই প্ৰতিযোগিতাত কুইজ,ফটোগ্ৰাফী, চিত্ৰাংকন প্ৰতিযোগিতা অনুষ্ঠিত হয় ৷ বিভিন্ন বিদ্যালয়ৰ ছাত্ৰ ছাত্ৰীসকলে এই প্ৰতিযোগিতাত অতি উৎসাহেৰে ভাগ লয় ৷

অধিক খবৰৰ বাবে পঢ়ক : ৰাজ্যিক বাতৰি

Next Story