Begin typing your search above and press return to search.

গোলাঘাটত সংখ্যালঘূ ছাত্ৰ সন্থাৰ সভাপতিক গ্ৰেপ্তাৰকলৈ উত্তপ্ত পৰিস্থিতি

গোলাঘাটত সংখ্যালঘূ ছাত্ৰ সন্থাৰ সভাপতিক গ্ৰেপ্তাৰকলৈ উত্তপ্ত পৰিস্থিতি

Sentinel Digital DeskBy : Sentinel Digital Desk

  |  11 Oct 2018 1:12 PM GMT

গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ৰ চৌহদত গোলাঘাট জিলা সংখ্যালঘূ ছাত্ৰ সন্থাৰ সভাপতিক চিকিৎসাধীন অৱস্থাৰ পৰাই নগাঁও আৰক্ষীয়ে গ্ৰেপ্তাৰ কৰিবলৈ অহা ঘটনাক কেন্দ্ৰ কৰি সৃষ্টি হয় হুলস্থুলীয়া পৰিবেশ । আমছু গোলাঘাট জিলা সমিতিৰ সভাপতি কাদিৰ আলিক ধন দাবী গোচৰত বিচাৰাধীন হৈ থকা এটা গোচৰৰ ভিত্তিত নগাঁও আৰক্ষীয়ে গোলাঘাট আৰক্ষীৰ পৰা চমজি লবলৈ আহোতে একাংশ আমছু সমৰ্থকে কৰে উত্তপ্ত পৰিস্থিতিৰ । নগাঁও বৰহাট বাইপাছৰ সমীপত ধন দাবী কৰাৰ অভিযোগ কাদিৰ আলিৰ বিৰুদ্ধে । নিশা আৰক্ষীয়ে নগাঁওলৈ নিয়াৰ পথত আমছু সমৰ্থকে বাধা প্ৰদান কৰে ।

যোৱা ১ অক্টোবৰত উৰিয়ামঘাট আৰক্ষীয়ে ধন দাবী অভিযোগত কাদিৰ আলি সহ ৬ জন আমছুৰ নেতাক গ্ৰেপ্তাৰ কৰিছিল । গ্ৰেপ্তাৰৰ পিছৰে পৰা অসুষ্ঠতাৰ বাবে

গোলাঘাট জিলা কাৰাগাৰৰ পৰা কাদিৰ আলিক গোলাঘাট অসামৰিক চিকিৎসালয়ত ভৰ্তি কৰাইছিল । কালি পুনৰ স্বাস্থ্য পৰীক্ষা কৰি নগাওঁ আৰক্ষীৰ কাষ্টডীলৈ প্ৰেৰণ কৰাৰ পিছতে একাংশ আমছু সমৰ্থকে গাড়ীৰ সন্মুখত পৰি প্ৰতিবাদ কৰে । এই লৈ গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ৰ চৌহদত সৃষ্টি হয় উত্তপ্ত পৰিস্থিতি । গোলাঘাট আমছুৰ নেতা কৰ্মীয়ে কাদিৰ আলিক নিয়া বাহনৰ আগত পৰি প্ৰতিবাদ জনায় যদিও আৰক্ষীয়ে পৰিস্থিতি নিয়ন্ত্ৰণ কৰে ।

Next Story
চাকৰি