Begin typing your search above and press return to search.

চীনত বলীউডৰ ছবি অন্ধাধুনৰ এক বৃহৎ সফলতাঃ অনুৰাগীলৈ ধন্যবাদ আয়ুষ্মান খুৰানাৰ

চীনত বলীউডৰ ছবি অন্ধাধুনৰ এক বৃহৎ সফলতাঃ অনুৰাগীলৈ ধন্যবাদ আয়ুষ্মান খুৰানাৰ

Sentinel Digital DeskBy : Sentinel Digital Desk

  |  10 April 2019 12:08 PM GMT

বলীউডৰ অভিনেতা তথা গায়ক আয়ুষ্মান খুৰানাৰ এখন ছবি অন্ধাধুনৰ সফলতাৰ কথা নিশ্চয় কোৱাৰ প্ৰয়োজন নাই ৷ পিছে সম্প্ৰতি অন্ধাধুনে বিশেষ জনপ্ৰিয় লাভ কৰিছে চীনত। এই সন্দৰ্ভত অভিনেতা আয়ুষ্মান খুৰানাই কয় যে মনোৰঞ্জনৰ যে কোনো ভাষা নাই সেয়াই যেন প্ৰতিপন্ন কৰিলে অন্ধাধুন ৷ কিছুমান চলচ্চিত্ৰই দেশৰ উপৰিও বিদেশত বিশেষভাৱে জনপ্ৰিয়তা লাভ কৰে ৷ সেই সমূহ ছবিৰ তালিকাত অন্ধাধুনৰ দৰে ছবি থকাটো লক্ষ্যনীয়।

আয়ুষ্মান খুৰানাৰ এজন অন্ধ ব্যক্তি হিচাপে উপস্থাপন কৰা ছবিখনে ভাৰতত যথেষ্ট প্ৰসিদ্ধি লাভ কৰে ৷ আৰু এই ছবিখনক চীনত "পিয়ানো প্লেয়াৰ" নামেৰে মুক্তি দিয়া হৈছে ৷এক বিশেষ সূত্ৰৰ খবৰ অনুসৰি এই ছবিখনে চীনত ১০০ কোটি টকা উপাৰ্জন কৰিছিল ৷এই সন্দৰ্ভত আয়ুস্মান খুৰানাই কয় যে মই ব্যক্তিগতভাৱে অন্ধাধুনে চীনত ১০০ কোটি টকা উপাৰ্জন কৰা বিষয়টোত অতিশয় আনন্দিত ৷ ভাৰতীয় ছবিৰ এজন অভিনেতা হিচাপে মই গৰ্বিত ৷ কাৰণ মই ভাৰতীয় ছবিলৈ এনেধৰণে যোগদান দিব পাৰিছো ৷

লগতে অন্ধাধুনৰ প্ৰত্যেক গৰাকী কলা কুশলীৰ কাৰণে এক বৃহৎ সফলতা কাৰণ ভাৰতত ছবিখনে সফলতা লাভ কৰাৰ পিছত চীনত ব্লকব্লাষ্টাৰ ছবি হিছাপে পৰিগণিত হৈছে অন্ধাধুন ৷ এই ছবি খন নিৰ্দেশনা কৰিছে শ্ৰী ৰাম ৰাঘৱনে। গতিকে নিৰ্দেশক শ্ৰী ৰাম ৰাঘৱন অন্ধাধুনৰ সফলতাৰ অংশীদাৰী ৷ উল্লেখ্যযোগ্য যে ২০১৮ চনত টাবু আৰু ৰাধিকা আপ্তেৰ দৰে অভিনেত্ৰীৰ অন্ধাধুন নামৰ ছবিখন এক বৃহৎ সফলতা ৰূপে পৰিগণিত হয় ৷

অধিক খবৰৰ বাবে পঢ়ক : মনোৰঞ্জন

Next Story