ছেবায়ে ২০১৯ চনৰ হাইস্কুল শিক্ষান্ত পৰীক্ষা আৰু হাই মাদ্ৰাছা পৰীক্ষাৰ ফলাফল মাজনিশা ঘোষণা কৰাৰ সিদ্ধান্ত প্ৰকাশ কৰাৰ পাছত এতিয়া প্ৰতিক্ৰিয়াৰ সৃষ্টি হৈছে ।
হাইস্কুল শিক্ষান্ত পৰীক্ষাৰ পৰীক্ষাৰ্থী প্ৰনব জ্যোতি নাথে প্ৰকাশ কৰে যে , " ফলাফল সমুহ মাজনিশা প্ৰকাশ কৰা প্ৰয়োজনীয় নহয়। মাজনিশা প্ৰকাশ কৰিলে ছাত্ৰ ছাত্ৰী সকলৰ মাজত উদ্বেগ বৃদ্ধি পোৱাৰ লগতে মাজনিশালৈকে উজাগৰে থাকিব লাগিব । পুৰ্বৰ বৰ্ষৰ নিচিনাকৈয়ে এই বছৰো দিনৰ ১১ বজাৰত ফলাফল ঘোষণা কৰিব লাগে ।"
চৰকাৰী আৰু ব্যক্তিগত খণ্ড বিদ্যালয় সমূহৰ শিক্ষক সকলে ছেবাৰ এই সিদ্ধান্ত বিৰোধিতা কৰিছে । চৰকাৰী বিদ্যালয় এগৰাকী শিক্ষকে প্ৰকাশ কৰে যে মাজনিশা ফলাফল ঘোষণা কৰিলে সমস্যা সৃষ্টি হব । দেশৰ কোনো শিক্ষা বৰ্ডে মাজনিশা ফলাফল ঘোষণাৰ ৰেকৰ্ড নাই বুলিও প্ৰকাশ কৰে ।
ছেবাৰ এগৰাকী বিষয়াই প্ৰকাশ কৰা মতে মাজনিশা ফলাফল ঘোষণা কৰিলে আগতীয়াকৈ সংবাদ মাধ্যমে কৰা অসুবিধাজনক প্ৰশ্নৰ পৰা আতৰি থাকিব পাৰি।
সাধাৰণতে হাইস্কুল শিক্ষান্ত পৰীক্ষা আৰু হাই মাদ্ৰাছা পৰীক্ষা ৰ ফলাফল সমুহ আগতীয়াকৈ বিদ্যালয় সমূহলৈ আৰু স্থানীয় সংবাদ মাধ্যমলৈ পঠিয়াই দিয়ে ছেবায়ে । লগতে ছেবায়ে ফলাফল ঘোষণা কৰাৰ সময়ত অৰ্থাৎ ১১ বজাৰত ফলাফল সমুহ প্ৰকাশ কৰিবলৈ কোৱা হয় । কিন্তু শেহতীয়াকৈ কেইবছৰ মান ধৰি স্থানীয় সংবাদ মাধ্যমে ফলাফল সমুহ দিনৰ ১১ বজাৰৰ পুৰ্বে প্ৰকাশ কৰে ফলাফল ।
২০ মেৰ পুৰ্বে ছেবায়ে ফলাফল ঘোষনা কৰিব বুলি প্ৰকাশ কৰিছে । বহু সংখ্যক শিক্ষক ৰাষ্ট্ৰীয় নাগৰিক পঞ্জী আৰু লোকসভা নিৰ্বাচনত ব্যস্ত হৈ থকাৰ বাবে ফলাফল ঘোষণা কৰাত পলম হৈছে বুলি প্ৰকাশ কৰে ।
হাইস্কুল শিক্ষান্ত পৰীক্ষাত ৩,৪২,৭০২ পৰীক্ষাৰ্থী আৰু হাই মাদ্ৰাছা পৰীক্ষাত ৯,৪৪১ জন পৰীক্ষাৰ্থী এই বছৰ অবৰ্তীন হৈছিল ৪৫৭ টা পৰীক্ষা কেন্দ্ৰত ।
অধিক খবৰৰ বাবে পঢ়ক : ৰাজ্যিক বাতৰি