ডিমা হাছাও বন বিভাগৰ উদ্যোগত বন্য প্ৰাণী অপৰাধ বিৰোধী সজাগতা সভা
ডিমা হাছাও বন বিভাগৰ উদ্যোগত বন্য প্ৰনী অপৰাধ বিৰোধী সজাগতা সভা অনুষ্ঠিত কৰে ডিমা হাছাওৰ বিভিন্ন প্ৰান্তত । এন লেইকুল, কেলেল', পুৰা, লংমা I, লংমা II, আৰু লংমা III ৰ গাঁও বুঢ়াৰ উদ্যোগত পুৰা গাঁওৰ কমিনিউটি হলত এক সজাগতা সভা অনুষ্ঠিত কৰে ।
এই অনুষ্ঠানত উপস্থিত থাকে বন বিভাগৰ মুখ্য নিৰীক্ষক মুৱানথাং তুংনুং, ডি এফ অ এ জেমি, ডি এফ অ টি লাংথাচা, ডি এফ অ ৰমেন দাস, তুহিন লাংথাচা আৰু হাফলং প্ৰেছ ক্লাৱৰ সভাপতি অনুপ বিশ্বাস। জনসাধাৰণৰ সহযোগিতাত বন বিভাগে দিমা হাচাওত প্ৰকৃতি সুৰক্ষাৰ লগতে বন্যপ্ৰনী কল্যাণৰ বাবে বিভিন্ন ব্যবস্থা লোৱাৰ কথা আলোচনা কৰে ।
গাঁওৰ লোক সকলেও এই অনুষ্ঠানত ভাগ লয়। বন্যপ্ৰনী সুৰক্ষা ক্ষেত্ৰত কি সমস্যা সন্মুখীন হয় আৰু বন বিভাগে বন্য প্ৰাণী সুৰক্ষাৰ ক্ষেত্ৰত কি ব্যবস্থা গ্ৰহণ কৰিব সেই সম্পৰ্কে আলোচনা কৰা হয় । চি চি এফ মুৱানথাং তুংনুংৰ লগতে আন বন বিষয়াৰ উপস্থিতিত বন প্ৰানীক সুৰক্ষা দিবলৈ জনসাধাৰণৰ সহায় কৰিবলৈ বন বিভাগক কোৱাৰ লগতে জনসাধাৰণৰ এন লেইকুল গাঁওৰ আদৰ্শ ল'বলৈ আহ্বান জনাইছে । এন লেইকুল গাঁওত বন্যপ্ৰনী নিধন আৰু বন্দী কৰা নিষেধ ।
গাঁও বুঢ়া সকলে বন বিভাগৰ এই পদক্ষেপক প্ৰসংশা কৰে আৰু বন বিষয়াক গাঁওৰ মুখ্য সকলক আৰু গাঁওবাসীৰ মাজত বন্য প্ৰাণী সুৰক্ষাৰ বাবে সজাগতা সৃষ্টি কৰিবলৈ অনুৰোধ কৰে ।
অধিক খবৰৰ বাবে পঢ়ক : ৰাজ্যিক বাতৰি
