মংগলবাৰে ঘোষণা হ’ল পাঁচখন ৰাজ্যৰ বিধানসভা নিৰ্বাচনৰ ফলাফল ৷ প্ৰধানমন্ত্ৰী নৰেন্দ্ৰ মোডীৰ কংগ্ৰেছ মুক্ত ভাৰত গঢ়াৰ যি সপোন,সেই সপোনক ছাৰ খাৰ কৰি কংগ্ৰেছে আধিপত্য বিস্তাৰ কৰিলে তিনিখন ৰাজ্যত৷ মিজোৰামত ঘাইকৈ শাসনাধিষ্ঠিত কংগ্ৰেছ আৰু প্ৰধান বিৰোধী দল এম এন এফ অৰ্থাৎ মিজো নেশ্যনেল ফন্টৰ মাজত তীব্ৰ প্ৰতিদ্বন্দিতা হৈছিল ৷ বিগত ১০ বছৰ পাছত এম এন এফ অৰ্থাৎ মিজো নেশ্যনেল ফন্ট ৰাজ্যখনৰ ক্ষমতালৈ ঘুৰি আহে ৷ এম এন এফে ৩৭.৬ শতাংশ,কংগ্ৰেছে ৩০.২ শতাংশ, বিজেপিয়ে ৮ শতাংশ আৰু অন্যান্যই ২২.৯ শতাংশ ভোট লাভ কৰিবলৈ সক্ষম হয় ৷
ইফালে মিজোৰামত এম এন এফে ২৬ খন,কংগ্ৰেছে ৫ খন,বিজেপিয়ে ১ খন,অন্যান্য ৮ খন আসন লাভ কৰিবলৈ সক্ষম হয় ৷ মধ্যপ্ৰদেশতো কংগ্ৰেছ আৰু বিজেপিৰ মাজত হোৱা প্ৰতিদ্বন্দ্বিতাত কংগ্ৰেছে ১১৩ আসন লাভ কৰে,বিজেপিয়ে ১০৯ খন,বিএছপি য়ে ২ খন আৰু অন্যান্যই লাভ কৰে ৮ খন আসন ৷ ছত্তীছগড়ত কংগ্ৰেছে লাভ কৰে ৬৮ খন,বিজেপিয়ে লাভ কৰে ১৫ খন,অন্যান্যই ৭ খন আসন লাভ কৰে। ৰাজস্থানত কংগ্ৰেছে ১০১ খন,বিজেপিয়ে ৭৩ খন,অন্যান্যই ২৫ খন আসন লাভ কৰাৰ বিপৰীতে তেলেংগনাত টি আৰ এছ অৰ্থাৎ তেলেংগনা ৰাষ্ট্ৰ সমিতিয়ে চৰকাৰ গঠনৰ কৰাৰ কাৰণে দাবীদাৰ হয় ৷ তেলেংগনাত কংগ্ৰেছে লাভ কৰিবলৈ সক্ষম হয় ৬৮ খন,বিজেপিয়ে ১৫ খন আৰু অন্যান্যই ৭ খন আসন দখল কৰিবলৈ সক্ষম হয় । অন্যহাতে সম্প্ৰতি ৰাজ্যকেইখনত মুখ্যমন্ত্ৰী পদৰ দাবীদাৰ নেতাসকল হৈছে, মিজোৰামৰ MNF ৰাজনৈতিক দলৰ হৈ প্ৰতিদ্বন্দিতা কৰা প্ৰাৰ্থী জোৰামথাংগা ৷ মুখ্যমন্ত্ৰী লালথান হাওলাই দুখন আসনৰ পৰা প্ৰতিদ্বন্দিতা কৰি দুয়োখন আসনতে পৰাজিত হ’ল ৷ মধ্যপ্ৰদেশত মুখ্যমন্ত্ৰী পদৰ প্ৰাৰ্থীসকল হ’ল কংগ্ৰেছ দলৰ কমত নাথ,জ্যোতিৰাদিত্য সিন্ধিয়া আৰু দ্বিগবিজয় সিং ৷
ইফালে মধ্যপ্ৰদেশত বিধানসভা নিৰ্বাচনত কোনো দলেই নকৰিলে একক সংখ্যাগৰিষ্ঠতা ৷ তেলেংগনাত মুখ্যমন্ত্ৰী পদৰ দাবীদাৰসকল হ’ল তেলেংগনা ৰাষ্ট্ৰ সমিতিৰ কে চন্দ্ৰশেখৰ ৰাও ৷ ৰাজস্থানৰ মুখ্যমন্ত্ৰী পদৰ প্ৰাৰ্থীৰ দাবীদাৰ হৈছে কংগ্ৰেছ দলৰ আশোক গেহলথ আৰু শচীন পাইলট আৰু ছত্তীছগড়ৰ মুখ্যমন্ত্ৰী পদৰ প্ৰাৰ্থীৰ দাবীদাৰ হ’ল কংগ্ৰেছ দলৰ প্ৰাৰ্থী ভূপেশ বঘেল,টি এছ সিং দেও,টমধ্বজ চাহু ৷ উল্লেখ্য যে,২০১৯ চনৰ লোকসভা নিৰ্বাচনৰ প্ৰাকমুহূৰ্তত হোৱা পাঁচ খন ৰাজ্যৰ বিধানসভা নিৰ্বাচনক এক আখৰা হিচাপে পৰিগণিত হৈছে সাম্প্ৰতিক সময়ত
অধিক খবৰৰ বাবে পঢ়ক শীৰ্ষ বাতৰি
