বাপতিসাহোন ৰঙালী বিহুটিক আদৰিবলৈ সাজু সমগ্ৰ ৰাজ্যবাসী। সমান্তৰালকৈ তিনিচুকীয়াতো পিছ পৰি থকা নাই ৰঙালী বিহুক আদৰিবলৈ। তিনিচুকীয়া জিলা অসম জাতীয়তাবাদী যুৱ পৰিষদৰ বিহু উৎযাপন । শনিবাৰে তিনিচুকীয়া গোলাপ চন্দ্ৰ ৰবি চন্দ্ৰ নাট্য মন্দিৰত সংকল্প অনুষ্ঠান আয়োজন কৰে । এই অনুষ্ঠানত বিশিষ্ট ব্যক্তি, লেখক আৰু সাংবাদিক উপস্থিত থাকে ।
এ জে ৱাই পিৰ ৰাজ্যিক সাধাৰণ সম্পাদক উদয়ন গগৈ আট ধৰা অনুষ্ঠানত ফটিক নেওগ , জেষ্ঠ সাংবাদিক অমুল্য খাটনীয়াৰ, পুৰ্নানন্দা বৰুৱা, ৰিশি দাসৰ লগতে বহু জনক সম্বৰ্ধনা জনোৱা হয় । মান পত্ৰ আৰু ফুলাম গামোচাৰে সম্বৰ্ধনা জ্ঞাপন কৰা হয় । এদিনীয়া কাৰ্য্যসূচীত বিভিন্ন সাংস্কৃতিক অনুষ্ঠান আৰু জনগোষ্ঠীয় নৃত্য প্ৰদৰ্শন কৰা হয় ।
তিনিচুকীয়া জিলাৰ অসম জাতীয়তাবাদী যুৱ পৰিষদৰ সাধাৰণ সম্পাদক প্ৰাঞ্জল প্ৰতিম নেওগে অতিথি সকলক সম্ভাষণ জনোৱাৰ লগতে অনুষ্ঠাৰ উদ্দেশ্য বাখ্যা ব্যক্ত কৰে ।
অন্য খবৰৰ বাবে পঢ়ক :ৰাজ্যিক বাতৰি
