তিনিচুকীয়া জিলাত বহুমুখী দক্ষতা বিকাশ কেন্দ্ৰ মুকলি

যোৱা বুধবাৰে তিনিচুকীয়া জিলাৰ পেঙেৰীত ফ্লেগ শ্বিপ প্ৰজেক্ট এটাই প্ৰায়োজিত কৰা ভাৰতীয় সেনাই বহুমুখী দক্ষতা বিকাশ কেন্দ্ৰ এটি মুকলি কৰে । কেন্দ্ৰটোৱে পেঙেৰী অঞ্চলৰ যুৱ প্ৰজন্ম সকলক জীৱিকা নিৰ্বাহত সহায়ৰ বাবে সকলো ধৰনৰ প্ৰাসংগিকমুলক দক্ষতা বিকাশৰ প্ৰশিক্ষন প্ৰদান কৰা হ'ব ।দক্ষতা বিকাশ প্ৰদান কৰা হ'ব ইণ্ডিনিয়াৰচ মিডিয়া প্ৰাইভেট লিমিটেডৰ সৈতে । এই প্ৰজেক্ট তথা গৱেষনাটো প্ৰধান মন্ত্ৰী কুশল বিকাশ যোজনাৰ সৈতে শ্ৰেনীবদ্ধ কৰা হৈছে । বৰ্তমানলৈ পেঙেৰী অঞ্চলৰ লগতে ওচৰ চুবুৰীয়া গাঁও সমূহৰ পৰা মুঠ ১৫০জন ল'ৰা আৰু ছোৱালীয়ে এই দক্ষতা বিকাশ কেন্দ্ৰটিত অংশগ্ৰহন কৰিছে । প্ৰথমটো গোটত মুঠ ১২০গৰাকী ল'ৰা-ছোৱালীয়ে তিনিমাহত ছিলাই আৰু কম্পিউটাৰত প্ৰশিক্ষন গ্ৰহন কৰিছে ।