বুধবাৰে দিল্লী উচ্চ ন্যায়ালয়ে নিৰ্বাচনী আয়োগক নিৰ্বাচনৰ সময়ত দল সমূহে ব্যয়ৰ ক্ষেত্ৰত দিয়া নিৰ্দেশনা সমূহ প্ৰয়োগৰ সন্দৰ্ভত শপতনামা দাখিল কৰিবলৈ নিৰ্দেশ দিছে ।
দিল্লী উচ্চ ন্যায়ালয়ৰ মুখ্য ন্যায়াধীশ ৰাজেন্দ্ৰ মেন'ন আৰু ন্যায়াধীশ অনুপ জাইৰাম ভামভানিৰ খণ্ড বিচাৰপীঠে প্ৰকাশ কৰে যে যদি নিৰ্বাচনী পেনেলে উত্তৰ দিয়াত ব্যৰ্থ হয় , তেতিয়া কোৰ্টে বিষয়টোৰ সন্দৰ্ভত যোৱা ৫ বছৰৰ পৰা জমা হৈ গোচৰ সমুহৰ ১৬ জুলাইৰ শুনানিৰ পূৰ্বে দাখিল কৰিবলৈ নিৰ্দেশ দিয়ে ।
দিল্লী উচ্চ ন্যায়ালয়ে ফেব্ৰুৱাৰী মাহত নিৰ্বাচনী আয়োগক শপতনামা দাখিল কৰিবলৈ নিৰ্দেশ দিছিল , কিন্তু আজিলৈকে সেয়া হৈ উঠা নাই । নিৰ্বাচনী ব্যয় ক্ষেত্ৰত নিৰ্বাচনী পেনেলে অসহায় স্বীকাৰ উক্তি দিছিল ।
এচচিয়েছন ফৰ ডেম'ক্ৰেটিক ৰিফৰ্মচ( ADR) য়ে ৰাজনৈতিক দল সমূহে নিৰ্বাচনৰ সময়ত ব্যয়ৰ ওপৰত দৃষ্টি ৰাখিবলৈ এখন আবেদন দাখিল কৰিছিল । এই আবেদনৰে শুনানি গ্ৰহণ কৰি এই নিৰ্দেশনা দিয়ে দিল্লী উচ্চ ন্যায়ালয়ে ।
এডিআৰে দাখিল কৰা আবেদনত ব্যয়ৰ ক্ষেত্ৰত নীতি আয়োগে দিয়া নিৰ্দেশ সমুহ দল সমূহে মানি চলিছে নে নাই , সেই সন্দৰ্ভত উল্লেখ কৰা হৈছে আবেদন খনত ।
অন্য খবৰৰ বাবে পঢ়ক : শীৰ্ষ বাতৰি