দেশ কপোৱাঁ অভিনীল হত্যাকাণ্ডৰ প্ৰথম সাক্ষীৰ দিন ধাৰ্য আদালতৰ

দেশ বিদেশৰ লগতে ৰাজ্য কপাঁই যোৱা অভি নীল হত্যাকাণ্ডৰ বিচাৰ প্ৰক্ৰিয়া আৰম্ভ হৈছিল আজিৰ পৰা৷ আজি নগাঁৱৰ সত্ৰ ন্যায়াধীশ আদালতত বিচাৰ চলিছিল অভি নীল হত্যাকাণ্ডৰ ৷ এই সন্দৰ্ভত আদালতে ২০১৯ বৰ্ষৰ ৫ জানুৱাৰি ত বিচাৰ প্ৰক্ৰিয়াৰ শুনানি দিন ধাৰ্য কৰিছে৷এই সন্দৰ্ভত নিলোৎপল অভিজিতৰ পিতৃয়ে কয় যে,আইনৰ ওপৰত আমাৰ বিশ্বাসৰ লগতে আস্থা আছে ৷

উল্লেখ্য যে,অভি নীল হত্যাকাণ্ডৰ এই সমগ্ৰ বিষয়টো মহামান্য গুৱাহাটী উচ্চ ন্যায়ালয়ৰ নিৰ্দেশনা মৰ্মে কাৰ্বি আংলঙৰ চেচন আদালতৰ পৰা নগাঁও চেচন আদালতলৈ স্থানান্তৰিত কৰিছিল ৷আজি নগাঁও আদালতত ৪৭ জন অভিযুক্ত উপস্থিত আছিল ৷ ইফালে অভিনীল হত্যাকাণ্ড গোচৰটো IPC ৩০২/১৪৯ ধাৰা দিয়া হৈছে ৷

অন্যহাতে,অভিনীল হত্যাকাণ্ডৰ প্ৰথম সাক্ষীৰ কাৰণে শুনানিৰ দিন ধাৰ্য কৰিছে ০৫/০১/২০১৯ ৷লগতে আজি আদালতত অভিনীল হত্যাকাণ্ডত জড়িত অভিযুক্তসকলক হেণ্ডকাফ লগাই আদালতলৈ অনাটো যুক্তিগত নে বিধি সন্মত সেই বিষয়ে আজি আদালতত যুক্তি তৰ্ক চলিছিল ৷ আৰু হেণ্ডকাফ লগাই আদালতলৈ অনাৰ বিষয়টোৰ সন্দৰ্ভটো আদালতে শুনানি ল’ব অহা বৰ্ষৰ ৫ জানুৱাৰিত ৷

উল্লেখ্য যে,বিগত ৮ জুনত কাৰ্বিআংলঙৰ ডকমকাত কাংঠিলাংছত প্ৰকৃতিৰ সৌন্দৰ্য উপভোগ কৰিবলৈ যাওতে অতি নৃশংস ভাৱে হত্যা কৰা হৈছিল দুই যুৱক অভিজিৎ আৰু নীলোৎপলক৷এই হত্যাকাণ্ডই কপাঁই গৈছিল সমগ্ৰ দেশ ৷ ন্যায় বিচাৰি ৰাজপথলৈ ওলাই আহিছিল হাজাৰ হাজাৰ জনতা ৷সম্প্ৰতি দেশ বাসীয়ে আশা কৰিছে অভিজিৎ নীলোৎপলে ন্যায় পাওঁক ৷

অন্য খবৰৰ বাবে পঢ়ক: শীৰ্ষ বাতৰি