দক্ষিণ ভাৰতৰ অভিনেতা ৰজনীকান্ত বুলি মনলৈ আহে ব্লক ব্লাষ্টাৰ শব্দটো ৷ কাৰণ ৰজনীকান্ত আৰু ছুপাৰহিট ছবি এটা মুদ্ৰাৰ ইপিঠি সিপিঠি ৷ সম্প্ৰতি ৰজনীকান্তৰ দৰবাৰ ছবিখনৰ ফাষ্ট লুক মুক্তি লাভ কৰিছে ৷ এই ছবিখনত ৰজনীকান্ত পুলিছ অফিচাৰৰ চৰিত্ৰত অভিনয় কৰিছে। প’ষ্টাৰখনত ৰজনীকান্তে হাঁহিৰে সৈতে ক’লা চচমা পৰিধান কৰা দেখা গৈছে ৷
লগতে প’ষ্টাৰখনত আৰক্ষী প্ৰশাসনক প্ৰতিনিধিত্ব কৰা বহু সামগ্ৰীক দেখা গৈছে। ছবিখন নিৰ্দেশনা কৰিছে এআৰ মুৰুগাদাসে কৰিছে ৷ ইফালে ছবিখনৰ প’ষ্টাৰ টুইটাৰ একাউন্টত শ্বেয়াৰ কৰিছে ৷ দৰবাৰ ছবিখন মুক্তি পাব ২০২০ চনৰ ১০ জানুৱাৰীত ৷ দৰবাৰ ছবিৰ প’ষ্টাৰে আপোনাক ৰনৱীৰ সিঙৰ চিম্বা"লৈ মনত পেলাই দিব ৷ চিম্বাত ৰনৱীৰ সিঙে পুলিছৰ চৰিত্ৰত অভিনয় কৰিছিল । ৰনৱীৰ সিঙৰ অভিনয়ক দৰ্শকে আদৰি লৈছিল ৷
অন্যহাতে দৰবাৰ ছবিখনৰ নাম প্ৰথমে থলবাৰ ১৬৭ ৰাখিছিল যদিও পিছত ছবিখনৰ নাম পৰিৱৰ্তন কৰে। দৰবাৰ ছবিখনত ৰজনীকান্তৰ বিপৰীতে অভিনয় কৰিব নয়নতাৰাই ৷ আৰু দুয়োজন অভিনেতাৰ এইখন হৈছে চতুৰ্থখন ছবি ৷ইয়াৰ পূৰ্বতে ৰজনীকান্ত আৰু নয়নতৰাই চন্দ্ৰমুখী,কুচেলন আৰু শিৱাজী ছবিত অভিনয় কৰিছিল ৷
উল্লেখ যে দক্ষিণ ভাৰতৰ লগতে সমগ্ৰ বিশ্বত ৰজনীকান্ত প্ৰসিদ্ধ বুলিও ক’লেও ভূল কোৱা ন’হব।কণমানিৰ পৰা বয়োজেষ্ঠ্য জনলৈ প্ৰত্যেকজনৰ হৃদয়ত এখন বিশেষ আসন দখল কৰিবলৈ সক্ষম হৈছে দক্ষিনৰ ছুপাৰষ্টাৰ ৰজনীকান্তে ৷ ৰজনীকান্ত আৰু হিটছবি যেন এটা মুদ্ৰাৰ ইপিঠি সিপিঠি ৷ আজি তামিলনাডুকে ধৰি বিশ্বৰ অসংখ্য লোকে ৰজনীকান্তক হৃদয়ত এটি বিশেষ ঠাইত ৰাখে ৷ শিৱাজীৰাও গায়কবাড় অৰ্থাৎ ৰজনীকান্তৰ জন্ম হৈছিল ১৯৫০ চনৰ ১২ ডিচেম্বৰত ৷ কৰ্ণাটকত জন্মগ্ৰহণ কৰা ৰজনীকান্তৰ পিতৃ ৰামোজী আছিল আৰক্ষী কনিষ্টবল ৷ ৰজনীকান্তৰ ৫ বছৰ বয়সতে মাতৃ জীজাবাঈৰ মৃত্যু হয় ৷ ১৯৮১ চনৰ ২৬ ফ্ৰেব্ৰুৱাৰীত ৰজনীকান্তে লতা ৰংগাচাৰীৰ লগত বিবাহ পাশত আৱদ্ধ হয় ৷অন্যহাতে, বহু ঘাত প্ৰতিঘাতৰ মাজৰে ৰজনীকান্তে বলীউড তথা টলীউডত নিজৰ স্থান দখল কৰিবলৈ সক্ষম হৈছে ৷
ৰজনীকান্তক জনসাধাৰণ বা অনুৰাগীসকলে অভিনেতা হিচাপেই ভাল নাপায়; ভাল পায় এজন হৃদয়বান ব্যক্তি হিচাপে ৷ৰজনীকান্তে যিকোনো ছবি কৰি যি টকা উপাৰ্জন কৰে ৷ সেই টকা ছবিখন বক্স অফিছত নছলিলে বা দৰ্শকে আদৰি নললে প্ৰমোশ্যনৰ বাবে লোৱা টকা ৰজনীকান্তে প্ৰযোজক নিৰ্মাতাক ঘূৰাই দিয়ে ৷ লগতে ৰজনীকান্তে এতিয়ালৈকে কোনো বিজ্ঞাপনত অভিনয় কৰা নাই ৷ ইফালে প্ৰায় ৩৬০ কোটি টকাৰ মালিক দক্ষিণৰ ছুপাৰষ্টাৰ ৰজনীকান্ত ৷ কিন্তু বিশাল সম্পত্তি থকাৰ পিছতো অত্যন্ত সাধাৰণ জীৱন যাপন কৰে ৰজনীকান্তে ৷ ছবি বা অন্যান্য যিকোনো ক্ষেত্ৰত যিখিনি উপাৰ্জন কৰে তাৰ আধায়েই দান কৰি দিয়ে ৰজনীকান্তে ৷ জনপ্ৰিয় ফ’ৰ্বছ আলোচনীত সকলোতকৈ বেছি উপাৰ্জন কৰা ষ্টাৰ সকলৰ ভিতৰত ২০১৮ চনত ৫০ কোটি উপাৰ্জন কৰা ৰজনীকান্তৰ স্থান হৈছে ১৪ ৷
সচাঁকৈয়ে ইমান পৰিমাণৰ ধন উপাৰ্জন কৰিও কিন্তু ৰজনীকান্তৰ কোনো অহংকাৰ নাই,নাই কোনো আক্ষেপ৷ অসংখ্যজনক সহায় কৰি অসংখ্যজনৰ হৃদয়ত স্থান পাবলৈ সক্ষম হোৱা তথা বহুতৰ মুখত হাঁহি বিৰিঙাবলৈ সক্ষম হোৱা ৰজনী কান্তক জনতাই এজন অভিনেতা হিচাপেই নহয় এজন হৃদয়বান,দানৱীৰ ৰূপত শ্ৰদ্ধা কৰে,মৰম কৰে ৷ গতিকে দীৰ্ঘায়ু হওক ৰজনীকান্ত ৷ এইয়াই আশা জনসাধাৰণৰ লগতে ৰজনীকান্তৰ অনুৰাগীৰো ৷
অধিক খবৰৰ বাবে পঢ়ক : মনোৰঞ্জন