নগাঁও জিলাৰ কচুৱা গেৰজাইপামৰ পৰা আৰক্ষীয়ে ৰাইজৰ সহযোগত মংগলবাৰে এটা প্ৰবঞ্চক আটক কৰিবলৈ সক্ষম হয় ।ধৃত প্ৰৱঞ্চকটোৰ নাম দিলদাৰ হুছেইন । জানিব পৰা মতে, দিলদাৰ হুছেইনে আন দুজন সহযোগীৰ সৈতে মিলি নগাঁৱত নৱনিৰ্মিত মেডিকেল কলেজৰ ঠিকাদাৰ অশোক সাহাক নকল সোন বিক্ৰী কৰি ১ লাখ ৪০ হাজাৰ টকা লুট কৰি নিছিল । ঘটনাটোত জড়িত আন দুজন প্ৰবঞ্চক বৰ্তমানেও পলাতক অৱস্থাত আছে । অশোক সাহাই নগাঁৱৰ হয়বৰগাঁও থানাত দিয়া অভিযোগ অনুসৰি দিলদাৰ আৰু আনদুজন সহযোগীৰ বিৰুদ্ধে ভাৰতীয় দণ্ডবিধি আইনৰ গোচৰ নং ২৬৩৬/১৮ আৰু ৪২০/৩৪ ধাৰাত গোচৰ পঞ্জিয়ন কৰি আৰক্ষীয়ে বৰ্তমান তদন্ত অব্যাহত ৰাখিছে ।
