নগাঁৱৰ কাকমাৰীত 'পৰিস্কাৰ আৰু সেউজ গাঁও' শীৰ্ষক সজাগতা সভা

"য’ত পৰিস্কাৰ তাতেই সংস্কাৰ"-ৰাজ্যৰ মুখ্যমন্ত্ৰী সৰ্বানন্দ সোণোৱালে প্ৰৱৰ্তন কৰা Clean & Green Village শীৰ্ষক আঁচনিৰ অধীনত প্ৰতিখন জিলাতে একোখনকৈ গাঁওক আদৰ্শ গাঁও হিচাপে পৰিস্কাৰ-পৰিচন্ন আৰু সেউজ কৰি তোলাৰ পৰিকল্পনাক বাস্তৱায়িত কৰি তোলাৰ লক্ষ্যৰে দেওবাৰে নগাঁৱৰ কাকমাৰী গাঁৱত এক সজাগতা সভা অনুষ্ঠিত হয় ৷ নগাঁও জিলা পানী আৰু অনাময় সমিতিৰ ব্যৱস্থাপনা ত আয়োজিত সভাখনিত নগাঁৱৰ উপায়ুক্ত বিশ্বজিত পেগু, জিলা জনস্বাস্থ্য কাৰিকৰী শীৰ্ষ বিষয়া- কৰ্মচাৰী, মূখমন্ত্ৰীৰ কাৰ্যালয়ৰ 'জনতাৰ চৰকাৰ' ৰ বিষয়াৰ উপস্থিতিত গঁঞা ৰাইজক পৰিস্কাৰ-পৰিচ্ছন্নতা, আৱাসিক আৰু ৰাজহুৱা এলেকা তথা আলি-পদুলি স্বচ্ছতা, প্ৰদুষণমুক্ত জলবায়ুৰ বাবে বনানীকৰণ,সেউজ বিপ্লৱ সন্দৰ্ভত বিস্তৃতভাৱে আলোকপাত কৰা হয়। নিজৰ পৰিৱেশটোৰ প্ৰতি সকলো ৰাইজৰ দায়বদ্ধতা থাকিব লাগিব,কেৱল গাঁওখন সেউজীয়া কৰি পুৰস্কাৰ বুটলাৰ বাবে নহয়, ভবিষ্যত ৰ পৰিৱেশৰ বাতাবৰনৰ বাবে গছপুলি ৰোপন কৰিব লাগে বুলি মন্তব্য প্ৰকাশ কৰিছে জিলা উপায়ুক্তই। শতাধিক ৰাইজ উপষ্ঠিত থকা সভাখনিত গঁঞা ৰাইজে বিভিন্ন অভাৱ অভিযোগ দাখিল কৰে নগাঁও জিলা উপয়ুক্তক। উপায়ুক্ত ই সমুহ সমস্যা সমাধান কৰাৰ অাশ্বাস প্ৰদান কৰে কাকমাৰী বাসীক। সভাৰ শেষত কাকমাৰী গাঁও পঞ্চায়ত কাৰ্য্যালয়ৰ সন্মূখত বৃক্ষৰোপন কাৰ্য্যসুচীৰে অনুষ্ঠানৰ সমাপ্তি হয়।