Begin typing your search above and press return to search.

নাগৰিকত্ব সংশোধনী বিধেয়কক লৈ প্ৰতিবাদৰ মাজতে বিধায়ক আমিনূল ইছলামৰ প্ৰতিক্ৰিয়া

নাগৰিকত্ব সংশোধনী বিধেয়কক লৈ প্ৰতিবাদৰ মাজতে বিধায়ক আমিনূল ইছলামৰ প্ৰতিক্ৰিয়া

Sentinel Digital DeskBy : Sentinel Digital Desk

  |  8 Feb 2019 6:51 AM GMT

নাগৰিকত্ব সংশোধনী বিধেয়কক লৈ সমগ্ৰ অসম উত্তাল হৈ থকাৰ সময়তে অসমৰ বিৰোধী বিধায়কসকলৰ এক বিশেষ প্ৰতিক্ৰিয়া ৷ বিধেয়কখনৰ জৰিয়তে বংগালী আৰু মুছলিম লোকৰ মাজত সাম্প্ৰদায়িক সংঘৰ্ষ বিয়পাবলৈ চেষ্টা কৰা সকলৰ ওপৰত কঠোৰ ব্যৱস্থা ল’বলৈ দাবী জনাই। বৃহস্পতিবাৰে অসম বিধানসভাৰ মজিয়াত এই প্ৰসংগ উত্থাপন হয়৷বিধানসভাৰ শূন্যকালৰ সময়ত এই প্ৰসংগ উত্থাপন কৰিলে এই আই ইউডি এফৰ বিধায়ক আমিনূল ইছলামে ৷

সদনত আমিনূল ইছলামে মন্তব্য কৰে যে ধিং অঞ্চলৰ নিৰ্বাচন ক্ষেত্ৰত গতানুগতিক ভাৱে কিছুমান ঘটনা সংঘটিত হৈ আছে,যি সমূহে অসমীয়া আৰু মুছলিম অঞ্চলৰ লোকৰ মাজত সাম্প্ৰদায়িক বিষবাষ্প বিয়পাব পাৰে ৷লগতে আমিনূল ইছলামে কয় যে, কিছুসংখ্যক নিহিত স্বাৰ্থ জৰিত হৈ থকা ব্যক্তিয়ে মুছলিম সমুদায় লোকৰ মাজত প্ৰতিকূল পৰিস্থিতিৰ সৃষ্টি কৰিব বিচাৰে ৷ এই সন্দৰ্ভত আমিনূল ইছলামে কয় যে মোৰ নিৰ্বাচন ক্ষেত্ৰত কিছুমান সংখ্যালঘূ সংঘৰ্ষ ঘটনা ঘটিছে ৷ যদি ৰাজ্য চৰকাৰে সময় মতে উচিত ব্যৱস্থা নলয় ৷তেতিয়া এই ঘটনায়ে সাম্প্ৰদায়িক সংঘৰ্ষলৈ পৰিৱৰ্তন হ’ব পাৰে ৷

দ্বিতীয়তে,উত্তৰ কৰিমগঞ্জৰ কংগ্ৰেছ বিধায়ক কমলাক্ষ দে পুৰকায়স্থই নাগৰিকত্ব সংশোধনী বিধায়ক ২০১৯ ৰ সন্দৰ্ভত চলি থকা আন্দোলনৰ প্ৰসংগত কয় যে নিহিত স্বাৰ্থৰ কাৰণে অসমীয়া আৰু বংগালী লোকৰ মাজত সাম্প্ৰদায়িক সংঘৰ্ষ বিয়পাব বিছাৰিচে লগতে কিছুমান ঘটনা সংঘটিত কৰিছে ৷ ইফালে সততে ছ’চিয়েল মিডিয়াত যিকোনো আপত্তিজনক বাতৰি বিয়পোৱা আৰু ইয়াক বন্ধ কৰাৰ বাবে প্ৰায়ে চৰকাৰ বিভিন্ন ব্যৱস্থা কৰি আহিছে ৷এই সন্দৰ্ভত কমলাক্ষ দে পুৰকায়স্থই কয় যে ছ’চিয়েল মিডিয়াৰ জৰিয়তে কিছু সংখ্যক লোকে সাম্প্ৰদায়িক সংঘৰ্ষ বিয়পোৱাৰ চেষ্টা কৰিছে ৷

লগতে বিধায়ক জনে কয় যে এই সমূহ ঘটনা সম্প্ৰতি অৰ্থহীন যেন অনুভৱ হৈ আছে যদিও অনতি পলমে যদি এই সমূহ বিষবাস্পৰ উপৰত প্ৰতিবন্ধকতা নলগাই তেন্তে ভয়ংকৰ পৰিস্থিতিৰ সৃষ্টি হ’ব পাৰে ৷উল্লেখযোগ্য যে এই প্ৰসংগত সংসদীয় মন্ত্ৰী চন্দ্ৰমোহন পাটোৱাৰীয়ে বিধানসভাত আশ্বাস দিয়ে যে চৰকাৰে যিকোনো ৰাজ্যত কোনো ধৰণৰ সাম্প্ৰদায়িক সদ্ভাৱ বিঘ্নিত হোৱাৰ কাৰণে অনুমতি নিদিয়ে ৷ লগতে মন্ত্ৰী পাটোৱাৰীয়ে কয় যে চৰকাৰে ছ’চিয়েল মিডিয়াৰ ওপৰত সম্পূৰ্ণ দৃষ্টি ৰাখিব ৷আমি যিকোনো লোকৰ তথা বিভিন্ন বৰ্গৰ প্ৰচলিত শান্তিৰ লগতে শান্তিৰ বিঘ্নিত কৰিব পৰা কোনো বুজাবুজিৰ অনুমতি নিদিয়ে ৷

অধিক খবৰৰ বাবে পঢ়ক : শীৰ্ষ বাতৰি

Next Story