এক বিশেষ সূত্ৰৰ খবৰ অনুসৰি বলীউডৰ অভিনেত্ৰী কৰীণা কাপুৰ খান হিন্দী মিডিয়ামম ২ত ক’পৰ ভূমিকাত অভিনয় কৰিব ৷ কৰীনা কাপুৰ খানে অভিনেতা ইৰফান খানৰ লগত হিন্দী মিডিয়াম ২ ত অভিনয় কৰিব বুলি এক বিশেষ সূত্ৰৰ পৰা তথ্য পোৱা গৈছে। অৱশ্যে এই ক্ষেত্ৰত কোনো তথ্য অভিনেত্ৰী কৰীনা কাপুৰ খানে ফাদিল কৰা নাই যদিও কিছু সংখ্যক তথ্যই অভিনেত্ৰী গৰাকীয়ে হিন্দী মিডিয়াম ২ ত অভিনয় কৰিব বুলি ইংগিত পোৱা গৈছে ৷
ইফালে কৰীনা কাপুৰ খানে ১৯ বছৰৰ অভিনয়ৰ জীৱনত প্ৰথম বাৰৰ কাৰণে মহিলা ক’পৰ ভূমিকাত অভিনয় কৰিব। অন্যহাতে,কৰীনা কাপুৰ খানে গুড নিউজৰ কামত ব্যস্ত আছে। ৰেছ ৩ ছবিখনত ছলমান খানৰ লগত অন্যান্য সকলৰ লগত জেকলিন ফাৰ্নাণ্ডেজে শ্বুটিং কৰি থকাৰ মাজতে অভিনেত্ৰী গৰাকী সাজু হৈছে "চশমে বদ্দুৰ"নামৰ ছবিখনৰ কাৰণে ৷
এক বিশেষ তথ্যৰ মতে, ২০১৩ চনৰ কমেডী ছবি চশমে বদ্দুৰ ছবিখনৰ চিকুৱেলত মুখ্য ভূমিকাত অভিনয় কৰিব জেকলিন ফাৰ্ণাণ্ডেজে৷ অন্যহাতে ছবিখনৰ দৃশ্য গ্ৰহণ অনতি পলমেই আৰম্ভ হ’ব ৷ বলীউডৰ জনপ্ৰিয় ডান্সাৰ শক্তি মোহনে ডেবিউ কৰিব ৰেম’ ডিচুজাৰ ছবি এবিচিডি ৩ ৰ জৰিয়তে ৷শক্তি মোহনৰ সংবাদমাধ্যমৰ আগত কৰা মন্তব্য অনুসৰি নৃত্যশিল্পীগৰাকী বলীউডত মেন্টৰ তথা গুৰু ৰেম’ ডিচুজাৰ লগত ডেবিউ কৰিবলৈ অত্যন্ত আগ্ৰহী তথা উৎসুক ৷ লগতে নৃত্য প্ৰধান ছবিখনৰ কাৰণে যথেষ্ট উৎসাহী বুলিও মন্তব্য কৰে শক্তি মোহনে ৷ ছবিখনৰ সকলো ষ্টাৰ কাষ্টৰ লগতে লণ্ডনলৈ যাবলৈ বহুত উৎসাহী ৷
চৰ্চিত ভাৰত ছবিৰ অভিনেত্ৰী কেটৰীনা কাইফ এবিচিডি ৩ ৰ পৰা ওলোৱাৰ পিছত ছবিখনত দেখিবলৈ পোৱা যাব পাৰে বলীউডৰ আন এগৰাকী অভিনেত্ৰী শ্ৰদ্ধা কাপুৰক ৷ ছবিখনত মুখ্য অভিনেতাৰ চৰিত্ৰত অভিনয় কৰিব বৰুণ ধাৱনে ৷ অভিনেত্ৰী শ্ৰদ্ধা কাপুৰে পূৰ্বৰ ছবিখনত অভিনয় কৰিছিল ৷ অৱশ্যে ছবি খনৰ কাৰণে কৃৰ্তি চানন আৰু জেকলিন ফাৰ্ণাণ্ডেজৰ দৰে অভিনেত্ৰীৰ নাম আছে যদিও শ্ৰদ্ধা কাপুৰৰ নাম আছে শীৰ্ষত ৷
ছবিখনৰ দৃশ্য গ্ৰহণ অমৃতসৰৰ পৰা আৰম্ভ হ’ব ৷ ছবি খনৰ নিৰ্মাতায়ে নবেম্বৰত এবিচিডি মুক্তি দিয়াৰ কথা উল্লেখ কৰিছে ৷ ইফালে ৰেম’ ডিচুজাৰ পত্নীৰ মন্তব্য অনুসৰি ছবিখনৰ নায়িকাৰ সন্দৰ্ভত ভূষণ কুমাৰে বিশ্লেষণ কৰি আছে , যে কোন গৰাকী অভিনেত্ৰী ছবিখনৰ চৰিত্ৰটোৰ কাৰণে উপযুক্ত হ’ব ৷
অধিক খবৰৰ বাবে পঢ়ক : মনোৰঞ্জন