Top
Begin typing your search above and press return to search.

প্ৰসংগঃ নিৰ্বাচনঃ সাজু হৈছে এজিপি বিজেপিৰ লগতে বিৰোধী দলসমূহ

প্ৰসংগঃ নিৰ্বাচনঃ সাজু হৈছে এজিপি বিজেপিৰ লগতে বিৰোধী দলসমূহ

Sentinel Digital DeskBy : Sentinel Digital Desk

  |  2 April 2019 8:09 AM GMT

সমাগত নিৰ্বাচন ৷ ১১ এপ্ৰিলত হ’ব লগীয়া সংসদীয় নিৰ্বাচনৰ প্ৰথম পৰ্যায়ৰ ভোটগ্ৰহণৰ কাৰণে মুখ্যমন্ত্ৰী সৰ্বানন্দ সোনোৱাল আৰু মন্ত্ৰী ড° হিমন্ত বিশ্ব শৰ্মাই বহু ঠাইত নিৰ্বাচনৰ বৈঠকৰ আয়োজন কৰিছে ৷ মুখ্যমন্ত্ৰী সৰ্বানন্দ সোনোৱালে কলিয়াবৰ সংসদীয় ক্ষেত্ৰৰ অন্তৰ্গত ধীং,সৰুপথাৰ,খুমটাইৰ বিভিন্ন নিৰ্বাচনী সভাত অংশগ্ৰহণ কৰে ৷

ইফালে বিত্ত মন্ত্ৰী ড° হিমন্ত বিশ্ব শৰ্মাই সোমবাৰে লক্ষীমপুৰ সংসদীয় ক্ষেত্ৰৰ নাওবৈছাৰ লগতে লক্ষীমপুৰৰ সংসদীয়ক ক্ষেত্ৰত নিৰ্বাচনী প্ৰচাৰ কৰে ৷ ১১ এপ্ৰিলত হ’ব লগীয়া সংসদীয় আসনৰ নিৰ্বাচনৰ কাৰণে সম্প্ৰতি কলীয়াবৰ আৰু লক্ষীমপুৰত নিৰ্বাচনী প্ৰচাৰত অংশ লয় মুখ্যমন্ত্ৰী সৰ্বানন্দ সোনোৱাল আৰু ড° হিমন্ত বিশ্ব শৰ্মাই ৷ মুখ্যমন্ত্ৰী সৰ্বানন্দ সোনোৱালে এজিপিৰ প্ৰাৰ্থী মনী মাধৱ মহন্তৰ সম্পৰ্কত কয় যে, কংগ্ৰেছে ৭০ বছৰৰ ভিতৰত যি কৰিব নোৱাৰিলে বিজেপিয়ে বিগত পাঁচ বছৰত কৰিলে ৷

কংগ্ৰেছক কটাক্ষ কৰি মুখ্যমন্ত্ৰী সোনোৱালে কয় যে কংগ্ৰেছে সংখ্যালঘূৰ কথা কয় ৷ কিন্তু বাস্তৱতে কংগ্ৰেছে তেওঁলোকৰ কাৰণে একো নকৰিলে ৷ সেয়েহে প্ৰধানমন্ত্ৰী নৰেন্দ্ৰ মোডীৰ দ্বিতীয় কাৰ্যকালত বিকাশৰ গতি ক্ষিপ্ৰ কৰিবৰ কাৰণে সকলোৱে বিজেপি আৰু তেওঁলোকৰ সহযোগীসকলক ভোটদান কৰিব লাগে ৷ মন্ত্ৰী ড° হিমন্ত বিশ্ব শৰ্মাই এজিপি প্ৰাৰ্থীসকলৰ কাৰণে ভোটদাতাসকলৰ সমৰ্থন বিচাৰে ৷ লগতে মন্ত্ৰী ড° শৰ্মাই কয় যে,কংগ্ৰেছৰ শাসনৰ সময়তে সত্ৰ সমূহৰ ভূমি অধিগ্ৰহণ কৰিলে৷

ইফালে প্ৰাক্তন মুখ্যমন্ত্ৰী তৰুণ গগৈক কটাক্ষ কৰি মন্ত্ৰী ড° হিমন্ত বিশ্ব শৰ্মাই কয় যে তৰুণ গগৈয়ে পুত্ৰক সমৰ্থন কৰি দলটোক নষ্ট কৰিলে ৷ সম্প্ৰতি দল টোৱে পুত্ৰৰ কাৰণে এআইইউডিএফৰ লগত মিত্ৰতা কৰিব বিছাৰিছে ৷ এই সিদ্ধান্তই অসমৰ লোকসকলক ক্ষতি কৰিব। অন্যহাতে গুৱাহাটীত সংবাদ মাধ্যমৰ সন্মুখত মন্তব্য কৰি মন্ত্ৰী ড° হিমন্ত বিশ্ব শৰ্মাই কয় যে ১১ এপ্ৰিলত হোৱা সংসদীয় নিৰ্বাচনত পাঁচখন আসনৰ ভিতৰত চাৰিখনতেই আমি জয় লাভ কৰিম ৷এই ক্ষেত্ৰত কলিয়াবৰ হ’ব উৎকৃষ্ট উদাহৰণ ৷

ইয়াৰ মাজতে কংগ্ৰেছে ৰাজ্যজুৰি নিৰ্বাচনী প্ৰচাৰ আৰম্ভ কৰে ৷ প্ৰাক্তন মুখ্যমন্ত্ৰী তৰুণ গগৈয়ে নিজ পুত্ৰ গৌৰৱ গগৈৰ কাৰণে কলিয়াবৰ সংসদীয় ক্ষেত্ৰৰ চামগুৰিত নিৰ্বাচনী প্ৰচাৰ কৰে ৷ নিৰ্বাচনী প্ৰচাৰত তেওঁৰ লগত থাকে বিধায়ক ৰকীবুল হুচেইন ৷ চামগুৰিত সংবাদ মাধ্যমৰ লগত হোৱা মত বিনিময়ত তৰুণ গগৈয়ে কয় যে এজিপি বিজেপি মিত্ৰতাই অসমৰ লোকসকলক বিশ্বাসঘাটকতা কৰিছে। বিজেপিয়ে হিন্দু মুছলমানৰ লগত বিভাজনৰ ৰাজনীতি কৰিব বিছাৰিছে ৷

প্ৰধানমন্ত্ৰী নৰেন্দ্ৰ মোডীয়ে ২০১৪ চনৰ নিৰ্বাচনী প্ৰচাৰৰ সময়ত ঘোষণা কৰিছিল যে ১৬ মে’ৰ পিছত এজনো বাংলাদেশী নাথাকিব দেশত ৷ কিন্তু সেই ঘোষণা বাস্তৱত ৰূপায়িত ন’হল ৷ অন্যহাতে ড° হিমন্ত বিশ্ব শৰ্মাক সমালোচনা কৰি কলিয়াবৰত গৌৰৱ গগৈৰ জয় সুনিশ্চিত বুলি কয় প্ৰাক্তন মুখ্যমন্ত্ৰী তৰুণ গগৈয়ে ৷

অধিক খবৰৰ বাবে পঢ়ক : শীৰ্ষ বাতৰি

Next Story