যিকোনো গ্ৰন্থত আমি প্ৰায়ে বন্ধুত্বৰ ক্ষেত্ৰত আত্মবলী দান দিয়া উদাহৰণ পঢ়িবলৈ পাঁও। বিভিন্ন ধৰণৰ চিনেমাটো বন্ধুত্বৰ বলিদান দিয়া প্ৰায়ে দেখা যায় ৷ তাৰ চাক্ষুস উদাহৰণ বলীউডৰ জনপ্ৰিয় "শ্বোলে"জয় আৰু বীৰুৰ মাজত যি বন্ধুত্বপূৰ্ণ সম্পৰ্ক সেয়া আমাৰ সকলোৰে জ্ঞাত৷ বন্ধুক প্ৰতিশ্ৰুতি দিয়াটো তেনেই সহজ। কিন্তু সেই প্ৰতিশ্ৰুতি পূৰণ কৰা সহজ নহয় ৷ কিন্তু আমাৰে মাজৰে কিছু সংখ্যকে নিজৰ বন্ধুত্বৰ কাৰণে এনেকুৱা কিছুমান কাম কৰি যায় যে বিশ্বৰ সকলোৰে মাজত পৰিচিত হৈ পৰে ৷
সদ্যহতে, তেনে ধৰণৰ এক ঘটনা সংঘটিত হ’ল ভূ স্বৰ্গৰূপে খ্যাত জম্মু আৰু কাশ্মৰীত ৷ জম্মুৰ মনজ্যোৎ সিং কোহলী নামৰ এগৰাকী শিখ সম্প্ৰদায়ৰ যুৱতীয়ে নিজৰ মুছলিম সম্প্ৰদায়ৰ বান্ধৱী চমৰীন আখতাৰক সহায় কৰিবৰ কাৰণে দান কৰিবলৈ ওলাইছে কিডনী ৷ কিন্তু শিখ যুৱতীগৰাকীৰ এই সিদ্ধান্তত বিৰোধ কৰিছে মনজোতৰ পৰিয়ালৰ লোকে৷ ইয়াৰ পিছত উপায়ন্তৰ হৈ এই বিষয়টোলৈ আদালতৰ কাষ চাপিছে মনজোতে৷ কাৰণ মনজোতক ন্যায় বিচাৰিছে ৷
বন্ধুত্বৰ কাৰণে নিজৰ তেজৰ সম্পৰ্ক থকা পৰিয়ালৰ বিৰুদ্ধে যাবলৈ কুণ্ঠাবোধ নকৰিলে মনজোতে ৷ ২৩ বছৰীয়া মনজোতৰ এই সিদ্ধান্তৰ বিষয়ে কয় যে, বিগত চাৰি বছৰৰ পৰা চমৰীন আখতাৰ আৰু মোৰ মাজত বন্ধুত্বপূৰ্ণ সম্পৰ্ক চলি আহিছে ৷ মনজোতে কয় যে মই চমৰীনৰ লগত আৱেগিক ভাৱে জড়িত ৷মানৱতাৰ ওপৰত মোৰ দৃঢ় বিশ্বাস আছে কাৰণেই মই চমৰীনক মোৰ কিডনী দান কৰিব বিচাৰিছোঁ ৷
লগতে মনজোতে কয় যে,যিহেতু মনজোতৰ পৰিয়ালে চমৰীনক কিডনী দান দিয়াত আপত্তি কৰিছে ৷ গতিকে এই বিষয়টোৰ ওপৰত আদালতৰ হস্তক্ষেপ বিচাৰিছে মনজোৎ সিং কোহলীয়ে ৷মনজোতৰ বন্ধুৰ কাৰণে দিয়া আত্মবলিদানে চুই গৈছে আপোনাৰ মোৰ দৰে বহু জনৰ হৃদয় ৷ মনজোতৰ এই ত্যাগে সমাজক শিকাই গ’ল যে বন্ধুত্ব জাতি,ধৰ্ম,নাথাকে ৷ বন্ধুত্বত থাকে ত্যাগ,বিশ্বাস তথা আত্মবলিদান ৷ সম্প্ৰতি,মনজোতৰ এই ত্যাগে প্ৰেৰণা দিছে বহুজনক ৷
অন্য খবৰৰ বাবে পঢ়ক: বিবিধ