সৰু পৰ্দাৰ জনপ্ৰিয় ৰিয়েলিটী শ্ব’ "বিগ বচ"ৰ ঘৰৰ পৰা শেহতীয়াকৈ বাহিৰ হয় শিৱাশীষ মিশ্ৰা ৷ "বিগবছ"ত অংশগ্ৰহণ কৰা প্ৰতিযোগিসকলৰ ভিতৰত শিৱাশীষ মিশ্ৰা আছিল অন্যতম ৷ "বিগ বচৰ অন্যতম টাস্ক জেইলৰ শাস্তি দিয়া বিষয়টোত শিৱাশীষ মিশ্ৰাই আপত্তি দৰ্শাইছিল ৷যাৰ কাৰণে,বিগত সপ্তাহত ৰিয়েলিটী শ্ব’টোৰ পৰা বাহিৰ হয় শিৱাশীস মিশ্ৰা ৷
ইফালে,"বিগ বচ" ৰ প্ৰতিযোগীসকলৰ কাৰণে ৰিয়েলিটী শ্ব’টোত প্ৰথমৰ পৰা শেষ পৰ্যায়লৈ থাকিব পৰাটো এটা বৃহৎ প্ৰত্যাহ্বান ৷ বিভিন্ন ধৰণৰ টাস্ক হয় "বিগ বচ"ত ৷অন্যহাতে "বিগ বচ"ৰ পৰা বাহিৰ হৈয়ে শিৱাশীষ মিশ্ৰাই "বিগ বছ"ৰ বিৰুদ্ধে কৰিছে কেইবাটাও বিস্ফোৰণ৷ এক সাক্ষাতকাৰত শিৱাশীষ মিশ্ৰাই কয় যে, "বিগ বচ"ত শিৱাশীষতকৈ অধিক দোষী প্ৰতিযোগী আছিল যদিও শিৱাশীষকহে জেইলৰ শাস্তিৰ কাৰণে নিৰ্বাচিত কৰা হ’ল ৷ আৰু সেই বিষয়টোতে শিৱাশীষ মিশ্ৰাই অসন্তুষ্টি প্ৰকাশ কৰি বিগ বছৰ নিয়ম ভংগ কৰিছিল ৷
ইয়াৰ বিপৰীতে শিৱাশীষ মিশ্ৰাই "বিগ বচ"ৰ হোষ্ট চলমান খানৰ প্ৰশংসাত পঞ্চমুখ হৈ পৰিল ৷ চলমান খানে শিৱাশীষ মিশ্ৰাক অত্যন্ত বিনম্ৰৰতাৰে বিগ বছৰ পৰা বাহিৰ হ’বলৈ নিৰ্দেশ দিছিল যদিও শিৱাশীষে চলমানখানৰ ব্যক্তিত্বত অত্যন্ত শলাগ ল’লে ৷ ইয়াৰোপৰি শিৱাশীষ মিশ্ৰাই বিগ বছৰ অন্যতম প্ৰতিযোগী শ্ৰীশান্তৰ শলাগ ল’লে ৷ শ্ৰী শান্ত বিগ বছৰ প্ৰতিযোগীসকলৰ ভিতৰত আটাইতকৈ শক্তিশালী প্ৰতিযোগী বুলিও অভিহিত কৰিলে শিৱাশীষ মিশ্ৰাই ৷
উল্লেখ্য যে,"বিগ বচ"ৰ প্ৰতিযোগিসকলৰ ভিতৰত শিৱাশীষক ষ্টাইলিছ প্ৰতিযোগী হিচাপে জনা যায় ৷ বলীউডৰ ষ্টাৰ চেঈফ আলি খান আৰু কৰীণা কাপুৰ খানৰ লগত থকা এখন ফ’টোৱে চাঞ্চল্য সৃষ্টি কৰিছিল ছ’চিয়েল মিডিয়াত ৷ এই সন্দৰ্ভত শিৱাশীষয়ে কয় যে এজন বিজনেচ মেন হিচাপে শিৱাশীষৰ বিভিন্ন সময়ত বিভিন্ন চেলীব্ৰেটিৰ লগত দেখা দেখি হে থাকে ৷ এই সন্দৰ্ভত শিৱাশীষ মিশ্ৰাই কয় যে,বিষয়টোৰ সন্দৰ্ভত শিৱাশীষে সকলো নথি পত্ৰ সহকাৰে "বিগবচ"ৰ কৰ্তৃপক্ষক অৱগত কৰোৱা কথাও উল্লেখ কৰে ৷
অন্য খবৰৰ বাবে পঢ়ক: