Top
Begin typing your search above and press return to search.

বিজেপিৰ লগত কৰা মিত্ৰতাই ইতিবাচক ফলাফল কঢ়িয়াই আনিবঃ অসম গণ পৰিষদ

বিজেপিৰ লগত কৰা মিত্ৰতাই ইতিবাচক ফলাফল কঢ়িয়াই আনিবঃ অসম গণ পৰিষদ

Sentinel Digital DeskBy : Sentinel Digital Desk

  |  21 May 2019 7:50 AM GMT

বিজেপিৰ লগত কৰা মিত্ৰতাই ইতিবাচক ফলাফল কঢ়িয়াই আনিব ৷ এই আশা ব্যক্ত কৰিছে অসম গণ পৰিষদে ৷ অসম গণ পৰিষদৰ সভাপতি অতুল বৰাই দ্য চেন্টিনেলৰ আগত প্ৰকাশ কৰে যে এজিপি,বীপিএফ আৰু স্থানীয় দলে এনডিএৰ লগত সহযোগিতা কৰি বিৰোধী দল কংগ্ৰেছৰ বিৰোদ্ধে লোকসভা নিৰ্বাচনত প্ৰতিদ্বন্দিতা কৰিছে ৷ আমি সম্প্ৰতি ২৩ মে’ৰ ফলাফললৈ বহু প্ৰত্যাশাৰে অপেক্ষা কৰি আছোঁ ৷

লগতে, আমি জনসাধাৰণৰ সিদ্ধান্তক স্বীকাৰ কৰিবলৈ সাজু হৈছোঁ ৷ অসম গণ পৰিষদে বিগত লোকসভা নিৰ্বাচনত কলীয়াবৰ,বৰপেটা আৰু ধুবুৰী সংসদীয় নিৰ্বাচন ক্ষেত্ৰত ক্ৰমে মণি মাধৱ মহন্ত,কুমাৰ দীপক দাস,জাভেদ ইছলামে প্ৰাৰ্থী হিছাপে প্ৰতিদ্বন্দিতা আগবঢ়াইছিল ৷ এনডিএৰ সহযোগী আন এটা দল বিপিএফে কোকৰাঝাৰ নিৰ্বাচন ক্ষেত্ৰৰ পৰা প্ৰমিলা ৰাণী ব্ৰহ্মই প্ৰতিদ্বন্দিতা আগবঢ়াই ৷

ইফালে কেন্দ্ৰত এগজিট প’লৰ সমীক্ষাৰ পিছত বিজেপিৰ ৰাষ্ট্ৰীয় অধ্যক্ষ অমিত শ্বাহৰ তত্ত্বাৱধানত নৈশ ভোজৰ আয়োজন কৰে ৷ ইফালে বিভিন্ন এজেন্সীয়ে দেওবাৰে ঘোষণা কৰা এগজিট প’লৰ সমীক্ষাত প্ৰধানমন্ত্ৰী নৰেন্দ্ৰ মোডীৰ নেতৃত্বৰ এনডিএৰ কাৰণে সুখবৰ কঢ়িয়াই আনিছে। এই সমীক্ষা অনুসৰি এন ডি এ ই লোকসভাত সাধাৰণ সংখ্যাগৰিষ্ঠতাৰ বাবে প্ৰয়োজন হোৱা ২৭২ খন আসনৰ সীমা অতিক্ৰম কৰিব বুলি ভৱিষ্যতবানী প্ৰকাশ পাইছে ৷

এগজিট প’লৰ সমীক্ষা অনুসৰি কংগ্ৰেজৰ নেতৃত্বত সংযুক্ত প্ৰগতিশীল মিত্ৰতাই ৮২ ৰ পৰা ১৮২ খন আসন লাভ কৰাৰ ভৱিষ্যতবানী দিছে ৷ ছয়টা এগজিট প’লৰ সমীক্ষাত অন্য দলে ইউপিএৰ তুলনাত অধিক আসন লাভ কৰা সম্ভাৱনা ব্যক্ত কৰিছে ৷ উল্লেখ্য যে ,মংগলবাৰে দিল্লী হোৱা নৈশ ভোজত অতুল বৰা,কেবিনেট মন্ত্ৰী কেশৱ মহন্ত উপস্থিত থাকিব ৷

অন্য খবৰৰ বাবে পঢ়ক : শীৰ্ষ বাতৰি

Next Story