বিজয়া দশমীৰ আনন্দ উল্লাসৰ মাজতেই পঞ্জাৱত সংঘটিত ভয়াবহ ঘটনা

শুক্ৰবাৰে ৰে'লপথৰ দাঁতিত ৰৈ বিজয়া দশমীৰ কাৰ্য্যসূচী উপভোগ কৰি থাকোঁতেই ৰে'লে মহতিয়াই নিয়ে অৰ্ধশতাধিক লোকক । ৰাৱণ দাহৰ কাৰ্য্যসূচী চলি থকা সময়তেই সংঘটিত হয় এই মৰ্মান্তিক ঘটনা । আতচবাজীৰ শব্দৰ বাবে ৰে'ল অহাৰ উমান নোপোৱাৰ ফলতেই ৰে'ল খনে মহটিয়াই নিয়ে প্ৰায় ৬০ জন লোকক । পাঞ্জাৱৰ অমৃতসৰৰ চৌৰা বজাৰত সংঘটিত ৰে'ল দুৰ্ঘটনাৰ নিহতৰ পৰিয়াললৈ ২ লাখ আৰু আহতৰ পৰিয়াললৈ ৫০ হাজাৰ টকাৰ ঘোষণা প্ৰধানমন্ত্ৰী নৰেন্দ্ৰ মোদীৰ । আনহাতে পাঞ্জাৱৰ মূখ্যমন্ত্ৰী অমৰিন্দৰ সিঙে নিহতৰ পৰিয়াললৈ ৫ লাখ টকা আৰু আহত সকলৰ বাবে বিনামূলীয়া চিকিৎসাৰ ব্যৱস্থা কৰিছে।