মধ্যপ্ৰদেশৰ মুখ্যমন্ত্ৰী পদত অধিস্থিত হৈয়ে কমলনাথে সকাহ দিলে কৃষকসকলক
কৃষকসকলক কৰৰ পৰা ৰেহাই দিয়াটো কৃষকসকলৰ কাৰণে বিশ্বাস ৷ কৃষকসকল কৰতেই জন্ম লয়, কৰতেই মৃত্যু হয়, নিৰ্বাচনী প্ৰচাৰ পত্ৰিকাত থকা প্ৰত্যেকটো প্ৰতিশ্ৰুতি পূৰণ কৰা হ’ব ৷ এই মন্তব্য মধ্যপ্ৰদেশৰ নৱ নিযুক্ত মুখ্যমন্ত্ৰী কমলনাথৰ ৷ সোমবাৰে নৱ নিযুক্ত মধ্যপ্ৰদেশৰ মুখ্যমন্ত্ৰী ৰূপে কমলনাথে শপত লৈয়ে মধ্যপ্ৰদেশৰ কৃষকসকলৰ কাৰণে ল’লে এক বিশেষ সিদ্ধান্ত ৷ নৱ নিযুক্ত মুখ্যমন্ত্ৰী নাথে কৃষকসকলৰ কৰসমূহ ৰেহাই দিয়া কথাত সম্প্ৰতি কৃষকসকলে স্বত্তিৰ নিশ্বাস পেলাইছে।
ইফালে বিধানসভাৰ নিৰ্বাচনত কংগ্ৰেছ দলে নিৰ্বাচনী প্ৰচাৰ পত্ৰিকাত জনসাধাৰণক যি আশ্বাস প্ৰদান কৰিছিল ৷ তাৰ ভিতৰত,কৃষকসকলৰ কৰ ৰেহাই কৰি দিয়াও অন্যতম আছিল ৷ কমলনাথে মধ্যপ্ৰদেশৰ নৱ নিযুক্ত মুখ্যমন্ত্ৰীৰূপে শপত লৈ মুখ্যমন্ত্ৰীৰ কাৰ্যভাৰ গ্ৰহণ কৰিয়ে কৃষকৰ কৰ ৰেহাই কৰি দিয়ে ৷ লগে লগে কৃষকসকল প্ৰায় ২ লাখ টকা পৰ্যন্ত কৰৰ পৰা উদ্ধাৰ হ’ল ।সম্প্ৰতি মধ্যপ্ৰদেশৰ নৱ নিযুক্ত মুখ্যমন্ত্ৰী কমলনাথৰ এই সিদ্ধান্তত প্ৰায় ৩০ লাখ কৃষক উপকৃত হৈছে ৷
ইফালে,প্ৰাক্তন মুখ্যমন্ত্ৰী শিৱৰাজ সিং চৌহানে কৃষকসকলৰ কৰ ৰেহাই দিয়াৰ প্ৰসংগত কৈছিল যে,তেওঁ আশা কৰিছে যে,অনাগত ১০ দিনৰ ভিতৰত কংগ্ৰেছ চৰকাৰে কৃষকসকলৰ কৰ ৰেহাই কৰি দিব ৷ কিন্তু মুখ্যমন্ত্ৰী পদত অধিস্থিত হৈয়ে কমলনাথে লোৱা এই সিদ্ধান্তত সকলোৱে সন্তুষ্টি প্ৰকাশ কৰিছে ৷ ইয়াৰোপৰি,মধ্যপ্ৰদেশৰ চৰকাৰে লয় অন্য দুটা সিদ্ধান্ত ৷ কৃষকৰ কৰ ৰেহাই কৰি দিয়াৰ উপৰিও মধ্যপ্ৰদেশ মুখ্যমন্ত্ৰী কন্যাদান আঁচনিৰ ধন ২৮ হাজাৰৰ পৰা ৫১ হাজাৰলৈ বৃদ্ধি কৰি দিয়ে ৷
লগতে অন্য এটা সিদ্ধান্ত এয়ে যে,মধ্যপ্ৰদেশৰ উদ্যোগসমূহৰ মালিকে তেতিয়াহে চাবচিডী পাব,যেতিয়া তেওঁলোকে স্থানীয়লোক সকলক সেই উদ্যোগসমূহত সংস্থাপন দিব ৷ উল্লেখ্য যে,সোমবাৰে মধ্যপ্ৰদেশৰ ১৮ সংখ্যক মুখ্যমন্ত্ৰীৰূপে শপত ল’লে কমলনাথে ৷ শপত গ্ৰহণ অনুষ্ঠানত কংগ্ৰেছৰ অধ্যক্ষ ৰাহুল গান্ধী,প্ৰাক্তন প্ৰধানমন্ত্ৰী মনমোহন সিঙৰ লগতে উপস্থিত আছিল মধ্যপ্ৰদেশৰ প্ৰাক্তন মুখ্যমন্ত্ৰী শিৱৰাজ সিং চৌহান ৷ইফালে মধ্যপ্ৰদেশত কৃষকসকলক কৰ ৰেহাই কৰি দিয়াৰ পিছতে কংগ্ৰেছৰ অধ্যক্ষ ৰাহুল গান্ধীৰ মন্তব্য যে,আমি নিৰ্বাচনত জয় হোৱাৰ পিছতে কৃষকসকলক কৰৰ পৰা ৰেহাই দিছো ৷
এই পদক্ষেপ অনতিপলমে ৰাজস্থানটো লোৱা হ’ব ৷সেই সময়তে তেওঁ প্ৰধানমন্ত্ৰী নৰেন্দ্ৰ মোডীক কটাক্ষ কৰি কয় যে,আমি প্ৰধানমন্ত্ৰী মোডীক তেতিয়ালৈকে শান্তিৰে থাকিব নিদিও ৷ যেতিয়ালৈকে মোডীয়ে কৃষকসকলৰ কৰ ৰেহাই কৰি নিদিয়ে ৷ সকলো বিৰোধী দল একত্ৰিত হৈ আমি কৰ ৰেহাই কাৰণে দাবী কৰিম ৷
কাৰণ এতিয়ালৈকে,প্ৰধানমন্ত্ৰী মোডীয়ে এক পইচাও কৃষকসকলক এৰি দিয়া নাই ৷ লগতে ৰাহুল গান্ধীয়ে ৰাফেল ডিলৰ প্ৰসংগত কয় যে, ৰাফেল ডিলৰ প্ৰসংগটো জেপিচিয়ে কিয় সিদ্ধান্ত নলয় বুলিও প্ৰশ্ন কৰে ৰাহুল গান্ধীয়ে ৷ লগতে, বিমুদ্ৰাকৰণ দেশৰ সকলোতকৈ বৃহৎ দুৰ্নীতি বুলি মন্তব্য কৰে কংগ্ৰেছৰ অধ্যক্ষ ৰাহুল গান্ধীয়ে ৷
অধিক খবৰৰ বাবে পঢ়ক : শীৰ্ষ বাতৰি
