আগন্তুক লোকসভা নিৰ্বাচনৰ বাবে ধুবুৰী সমষ্টিত SVEEP য়ে আয়োজন কৰা ভোটাৰৰ সজাগতা সভায়ে ভোটৰ হাৰ বৃদ্ধি কৰিব । ধুবুৰী জিলাৰ বিভিন্ন প্ৰান্তত SVEEP য়ে নিৰ্বাচন সম্পৰ্কীয় সজাগতা সভা অনুষ্ঠিত কৰিছিল ।
SVEEP চেলৰ নডেল বিষয়া মৃগাক্ষী দাসে প্ৰকাশ কৰে যে সজাগতা সৃষ্টি কৰিবলৈ জিলাৰ বিভিন্ন প্ৰান্তত সময়ে সময়ে কুইজ, শ্লোগান লিখা, মাৰাথান আৰু আকস্মিক ব্যক্তিতা আদি অনুষ্ঠিত কৰি আহিছিল ।
বিভিন্ন গাঁও পঞ্চায়ত আৰু ব্লক পৰ্যায়ত চন্দ্ৰপ্ৰভা বাইদেউ শীৰ্ষক ৰেলীৰে সংবেদনশীল মহিলা আৰু বিশেষ ভাবে সক্ষম ভোটাৰৰ মাজত সজাগতা সৃষ্টি কৰিছিল । আৰ কে বাছু প্ৰাথ্যমিক বিদ্যালয়ত শেহতীয়াকৈ কেন্দ্ৰীয় নিৰ্বাচনী পাঠশালা অনুষ্ঠিত কৰা হৈছিল । এই অনুষ্ঠানত উপস্থিত আছিল সাংস্কৃতিক উন্নয়ন বিষয়া জিতেন কুমাৰ দাস । লগতে এই অনুষ্ঠানত ১০ জনৰো অধিক বুথ পৰ্যায়ৰ বিষয়া উপস্থিত আছিল । এই অনুষ্ঠানতে নিৰ্বাচন সম্পৰ্কীয় বিভিন্ন বিষয়ৰ ওপৰত আলোচনা কৰা হয় ।
নিৰ্বাচনী পাঠশালা আৰু ইলেক্টৰেল লিটাৰেচি ক্লাবে ইভিএম আৰু ভিভিপেটৰ ওপৰত সজাগতা সৃষ্টি কৰা হয় । ইয়াৰ যোগেদি ভোটাৰে যাতে তেওঁলোকৰ ভোট দিয়াৰ অধিকাৰ সাব্যস্ত কৰাৰ লগতে ভোটাৰ সংখ্যা বৃদ্ধি হয় তাৰ বাবে সজাগতা সৃষ্টি কৰিবলৈ এই পদক্ষেপ লোৱা হৈছে বুলি প্ৰকাশ কৰে ।
অসমত তিনিটা পৰ্যায়ত অনুষ্ঠিত হব ভোট গ্ৰহণ । ১১, ১৮ আৰু ২৩ এপ্ৰিলত অনুষ্ঠিত হব ভোট গ্ৰহণ । ধুবুৰীত ২৩ এপ্ৰিলত অনুষ্ঠিত হব ভোট গ্ৰহণ । ২৩ মেত ফলাফল ঘোষণা কৰা হব ।
অধিক খবৰৰ বাবে পঢ়ক : ৰাজ্যিক বাতৰি