লোকসভা নিৰ্বাচনৰ বাবে ১১ এপ্ৰিলত ১২ খন জিলাত স্থানীয় বন্ধ ঘোষণা
১১ এপ্ৰিলত অনুষ্ঠিত হব লগা প্ৰথম পৰ্যায়ত ভোট গ্ৰহণৰ বাবে অসম চৰকাৰে বন্ধ ঘোষণা কৰিছে । ১১ এপ্ৰিলত ১২ খন জিলাত স্থানীয় বন্ধ ঘোষণা কৰিছে ।
১১ এপ্ৰিলত চৰকাৰী, বেচৰকাৰী কাৰ্যালয়, সকলো শিক্ষানুষ্ঠান, বেংকৰ লগতে সকলো ব্যবসায়িক প্ৰতিষ্ঠান বন্ধ থাকিব । NI এক্টৰ অধিনত এই নিৰ্দেশনা জাৰি কৰা হৈছে । ১১ এপ্ৰিলত ৫ টা লোকসভা সমষ্টিত ভোট গ্ৰহণ অনুষ্ঠিত হব । সেয়েহে ১১ এপ্ৰিলত বন্ধ থাকিব বিশ্বনাথ, চৰাইদেউ, যোৰহাট, ধেমাজি, ডিব্ৰুগড়, গোলাঘাট, লক্ষিমপুৰ, মাজুলী, নগাঁও, শিৱসাগৰ, শোণিতপুৰ আৰু তিনিচুকীয়াত স্থানীয় বন্ধ ঘোষণা কৰিছে ।
আনহাতে ১৮ এপ্ৰিলত ৮ খন জিলাত স্থানীয় বন্ধ ঘোষণা কৰিছে । দ্বিতীয় পৰ্যায়ৰ ভোট গ্ৰহণৰ বাবে ১৮ এপ্ৰিলত কাছাৰ, দৰং, ডিমা হাছাও, হাইলাকান্দি, হোজাই, কামৰূপ, কাৰ্বি আংলং, মৰিগাঁও, নগাঁও, নলবাৰী, ওদালগুৰি আৰু দক্ষিণ কাৰ্বি আংলং বন্ধ থাকিব ।
২৩ এপ্ৰিলত তৃতীয় পৰ্যায়ত অনুষ্ঠিত হব লগা ভোট গ্ৰহণৰ বাবে ১০ খন জিলাত স্থানীয় বন্ধ ঘোষণা কৰিছে । বাক্সা, বৰপেটা, কামৰূপ, বঙাইগাঁও,চিৰাং, গোৱালপাৰা, দক্ষিণ শালমৰা, কামৰূপ মেট্ৰ, কোকৰাঝাৰ আৰু ধুবুৰীত স্থানীয় বন্ধ ঘোষণা কৰিছে ।
তিনিটা পৰ্যায়ত অনুষ্ঠিত হব লগা নিৰ্বাচনৰ বাবে NI এক্টৰ অধিনত এই বন্ধ ঘোষণা কৰা হৈছে ।
অধিক খবৰৰ বাবে পঢ়ক : শীৰ্ষ বাতৰি
