লোকসভা নিৰ্বাচনৰ মংগলদৈ সমষ্টিৰ দুজন প্ৰাৰ্থীৰ মনোনয়ন পত্ৰ বাতিল
লোকসভা নিৰ্বাচনৰ প্ৰাকক্ষণত প্ৰাৰ্থীৰ সাম্যক ঞ্জানকৈ লৈ চৰ্চা লাভ কৰিছে । আগন্তুক লোকসভা নিৰ্বাচন নে বিধানসভা নিৰ্বাচনৰ জ্ঞান নথকাৰ লগতে নিৰ্বাচনী প্ৰক্ৰিয়াৰ সাধাৰন জ্ঞান নথকাটোৱে চৰ্চা লাভ কৰিছে ।
মংগলদৈৰ ভাৰতীয় ৰিপাব্লিকান দলৰ এজন প্ৰাৰ্থীৰ বয়স কম হোৱাৰ বাবে মনোনয়ন পত্ৰ বাতিল কৰা হয় । ভাৰতীয় ৰিপাব্লিকান দলৰ ৰাতুল আহমেদ নামৰ প্ৰাৰ্থীজনৰ মনোনয়ন বাতিল কৰে। ৰাতুল আহমেদৰ বয়স মাত্ৰ ২১ বছৰ । ২৬ তাৰিখে ১৮ এপ্ৰিলত অনুষ্ঠিত হব লগা দ্বিতীয় পৰ্যায়ৰ নিৰ্বাচনৰ মনোনয়ন পত্ৰ দাখিলৰ অন্তিম দিন আছিল ।
আনহাতে পূৰ্বাঞ্চল জনতা পাৰ্টি ছেকুলাৰ দলৰ ভূপেন ডেকাৰ মনোনয়ন পত্ৰ বাতিল কৰে । ভূপেন ডেকাই মনোনয়ন পত্ৰ দাখিলৰ সময়ত প্ৰয়োজনীয় তথ্য জমা নিদিয়াৰ বাবে বাতিল কৰা হয় মনোনয়ন পত্ৰ ।
মংগলদৈ লোকসভা সমষ্টিৰ বাবে ১৩ জন প্ৰাৰ্থী য়ে মনোনয়ন পত্ৰ দাখিল কৰে । ১৩ জনৰ ২ ৰ মনোনয়ন পত্ৰ বাতিল কৰে । ১১ জন প্ৰাৰ্থীৰ মনোনয়ন পত্ৰ বৈধ । ২৯ মাৰ্চত মনোনয়ন প্ৰত্যাহাৰৰ অন্তিম দিন ।
অসমত তিনি টা পৰ্যায়ত অনুষ্ঠিত হব লোকসভাৰ নিৰ্বাচন। ১১,১৮ আৰু ২৩ এপ্ৰিলত অনুষ্ঠিত হব ভোট গ্ৰহণ। ২৩ মেত ফলাফল ঘোষণা কৰা হব ।
অধিক খবৰৰ বাবে পঢ়ক :ৰাজ্যিক বাতৰি
