সমাগত নিৰ্বাচন ৷ বুধবাৰে বিয়লি প্ৰায় তিনিবজাত লোকসভা আসনৰ কাৰণে কংগ্ৰেছ দলৰ শব্দ ৰাম ৰাভা, ইউনাইটেড পিপুল্স পাৰ্টি লিবাৰেল দলৰ উৰখাও গৌৰো ব্ৰহ্ম,চৰণ ইশ্বৰী (পূৰ্বাঞ্চল জনতা দল), অল ইণ্ডিয়া তৃণমূল কংগ্ৰেছৰ কমলা কান্ত দেউৰীয়ে কোকৰাঝাৰ লোকসভা নিৰ্বাচনৰ কাৰণে মনোনয়ন পত্ৰ দাখিল কৰে ৷
প্ৰায় আঠ গৰাকী প্ৰাৰ্থীয়ে নিজৰ মনোনয়ন পত্ৰ দাখিল কৰে তৃতীয় পৰ্যায়ৰ নিৰ্বাচনৰ কাৰণে, ইফালে আজি তৃতীয় পৰ্যায়ৰ নিৰ্বাচনৰ মনোনয়ন দাখিল কৰা শেষ তাৰিখ ৷ ইফালে কোকৰাঝাৰত ২৩ এপ্ৰিলত ভোটগ্ৰহণ অনুষ্ঠিত হয় ৷ ইউপিপিএলৰ প্ৰাৰ্থী উৰখা গৌৰা ব্ৰহ্মই মনোনয়ন পত্ৰ দাখিলৰ প্ৰাকমূহুৰ্তত এক বিশাল ৰেলীত ভাগ লয় ৷
এই ৰেলীত সদৌ বড়ো ছাত্ৰ সন্থাৰ অধ্যক্ষ প্ৰমোদ বড়োৰ লগতে ১০,০০০ ৰো অধিক সমৰ্থক আৰু নেতা আৰু ৰাষ্ট্ৰীয় গণতান্ত্ৰিকৰ সদস্যসকলে এই আন্দোলনত ভাগ লয় । কংগ্ৰেছৰ শব্দ ৰাম ৰাভাৰ লগত পূৰ্ব মন্ত্ৰী পৃথ্বী মাঝী, এপিচিচি সম্পাদক বিশ্বজিৎ ৰয় ৰ লগতে প্ৰায় ৩০০০ ৰো অধিক কৰ্মীয়ে সহযোগ কৰে ৷ ইউপিপিএলৰ প্ৰাৰ্থী ইউজি ব্ৰহ্মই এখন সভা আয়োজন কৰে ৷ এই সভাখন সম্বোন্ধিত কৰে এবছুৰ সভাপতি প্ৰমোদ বড়োয়ে ৷ সভাখনত বিটিছিৰ সৰ্বাঙ্গীন উন্নতিৰ কাৰণে ইউজি ব্ৰহ্মক ভোটদান কৰিবলৈ আহ্বান কৰে ৷
তেওঁ মন্তব্য কৰে যে হাগ্ৰামা মহিলাৰীক পদচ্যুত কৰাৰ এয়া উচিত সময় ৷ কাৰণ তেওঁৰ দলে জনসাধাৰণক বিশ্বাসঘাতক কৰিছে। তেওঁৰ শাসন ধনৰ ওপৰত কেন্দ্ৰীত ৷ ইফালে কংগ্ৰেছৰ প্ৰাৰ্থী শব্দ ৰাম ৰাভাই কয় যে তেওঁৰ জয় নিশ্চিত ৷ কাৰণ তেওঁৰ অঞ্চলৰ লোকসকলে কংগ্ৰেছ পুনৰাই অধিস্থিত হোৱাটো বিছাৰে ৷ গতিকে তেওঁ দাবী কৰে যে সকলো লোকেই কংগ্ৰেছক ভোটদান কৰিব ৷
অধিক খবৰৰ বাবে পঢ়ক : ৰাজ্যিক বাতৰি