লোকসভা নিৰ্বাচনলৈ মাজত মাথো কেইটিমান দিন ৷ সাজু হৈছে সকলো দলীয় বিৰোধী দল ৷ কংগ্ৰেছে মংগলবাৰে দিয়া নিৰ্বাচনী ইস্তাহাৰত উত্তৰ পূবৰ ৰাজ্যসমূহক প্ৰাধান্য দিছে ৷ আশা কৰাৰ দৰেই নিৰ্বাচনী ইস্তাহাৰত নিৰ্বাচনত কংগ্ৰেছ জয়ী হ’লে অধ্যক্ষ ৰাহুল গান্ধীয়ে(Rahul Gandhi)নাগৰিকত্ব সংশোধনী বিধেয়কক বাতিল কৰাৰ প্ৰসংগ উল্লেখ কৰিছে ৷ কংগ্ৰেছৰ নিৰ্বাচনী ইস্তাহাৰত উত্তৰ পূব ৰাজ্যৰ লগত সম্বন্ধিত ১৫ টা মহত্ত্বপূৰ্ণ বিষয়ে চুই গৈছে ৷ ইস্তাহাৰত উত্তৰ পূব ৰাজ্যক বিশেষ শ্ৰেণীত সন্নিবিষ্ট কৰাৰ প্ৰতিশ্ৰুতি দিছে ৷
লগতে উত্তৰ পূবৰ ৰাজ্যত অৰ্থনৈতিক নীতিৰ উন্নত কৰাৰ প্ৰতিশ্ৰুতি আছে কংগ্ৰেছৰ নিৰ্বাচনী ইস্তাহাৰত ৷ লগতে ৰাষ্ট্ৰীয় নাগৰিক পঞ্জীৰ সন্দৰ্ভত কংগ্ৰেছৰ নিৰ্বাচনী ইস্তাহাৰত উল্লেখ আছে যে ভাৰতৰ কোনো লোক যাতে ৰাষ্ট্ৰীয় নাগৰিক পঞ্জীৰ পৰা বাদ নপৰে ৷ তাৰ প্ৰতি সজাগ হ’ব কংগ্ৰেছ ৷ ইফালে,কংগ্ৰেছে উল্লেখ কৰে যে অবৈধ প্ৰব্ৰজন বিষয়টোক আলোচনা কৰাৰ লগতে স্বদেশী লোকসকলৰ পৰিচয় সুনিশ্চিত হ’ব ৷ কংগ্ৰেছৰ ইস্তাহাৰ খনত উল্লেখ আছে যে অবৈধ প্ৰব্ৰজন বিষয়টোক সমাধান কৰিবৰ কাৰণে কাষৰীয়া দেশ বাংলাদেশ আৰু ম্যানমাৰৰ লগত আলোচনা কৰিব ৷
নিৰ্বাচনী ইস্তাহাৰত উত্তৰ পূব ৰাজ্যৰসমূহৰ সীমা সুৰক্ষাই চুই গৈছে ৷ কংগ্ৰেছে বাংলাদেশ,ম্যানমাৰ আৰু চীনৰ লগত সীমা সুৰক্ষা শক্তিশালী কৰিব। চুবুৰীয়া দেশৰ লগত মত বিনিময়ৰ মাধ্যমৰে যিকোনো সীমা সম্পৰ্কীয় বিষয়ক সমাধান কৰাৰ লগতে সীমাক সমৃদ্ধি আৰু বিকাশৰ স্থল হিছাপে গঢ়িব ৷ইস্তাহাৰখনত উত্তৰ পূব পৰিষদক শক্তিশালী কৰাৰ প্ৰসংগও উল্লেখ আছে।
লগতে স্বায়ত্ত জিলা পৰিষদ আৰু চাহ বাগান সমূহৰ বিষয়টো পদক্ষেপ গ্ৰহণ কৰাৰ কথা উল্লেখ আছে ৷ কংগ্ৰেছৰ নিৰ্বাচনী ইস্তাহাৰ পত্ৰত উল্লেখ আছে যে,কংগ্ৰেছে উত্তৰ পূৰ্বী ৰাজ্যসমূহৰ ভিতৰত স্বায়ত্ত জিলা পৰিষদৰ মহত্ত্বক স্বীকাৰ কৰাৰ লগতে এই পৰিষদসমূহক বিত্তীয় সহায়তা বৃদ্ধি কৰিবৰ কাৰণে প্ৰতিশ্ৰুতি প্ৰদান কৰিছে ৷
অধিক খবৰৰ বাবে পঢ়ক : শীৰ্ষ বাতৰি