সীমা সুৰক্ষা বাহিনীৰ জোৱানে হত্যা কৰিলে আন এজন জোৱানক

কৰিমগঞ্জৰ ভাৰত বাংলাদেশ সীমান্তত সংঘটিত হৈছে এক ভয়ংকৰ গুলিয়াগুলিৰ ঘটনা । সীমা সুৰক্ষা বাহিনীৰ এজন জোৱানে হত্যা কৰিলে এজন জোৱানক । আন এজন জোৱান গুলিবিদ্ধ হৈ গুৰুতৰ ভাৱে আহত হৈ মৃত্যুৰ সৈতে যুঁজি আছে । নিহত অশোক কুমাৰ আৰু আহত অভিজিৎ ৰঞ্জন পাল কৰিমগঞ্জৰ ৭ নম্বৰ ব্যাটেলিয়নৰ চোৱাংচোৱা বিভাগত কৰ্মৰত আছিল বুলি জানিব পৰা গৈছে । হত্যাকাৰী শিৱ যোগী পাণ্ডেই ঘটনা সংঘটিত কৰি আগ্নেয়াস্ত্ৰ লৈ পলায়ন কৰে । গুলিবিদ্ধ অভিজিতক কৰিমগঞ্জ অসামৰিক চিকিৎসালয়ত ভৰ্তি কৰিছিল যদিও পাছত শিলচৰ চিকিৎসা মহাবিদ্যালয়লৈ প্ৰেৰণ কৰে । ঘাতকৰ অনুসন্ধানত কৰিমগঞ্জত গভিৰ নিশালৈকে তালাচি অভিযান চলাই । আৰক্ষীয়ে ইতিমধ্যে ঘটনাটোৰ সন্দৰ্ভত তদন্ত আৰম্ভ কৰিছে ।