হাইলাকাণ্ডিত মুখ্যমন্ত্ৰী সমগ্ৰ গ্ৰাম্য উন্নয়ন যোজনাৰ অধীনত ট্ৰেক্টৰ বিতৰন

হাইলাকাণ্ডি জিলাৰ কৃষি বিভাগৰ কাৰ্য্যালয়ৰ নজৰুল সদন প্ৰেক্ষাগৃহত মুখ্যমন্ত্ৰী সমগ্ৰ গ্ৰাম্য উন্নয়ন যোজনাৰ অধীনত ট্ৰেক্টৰ বিতৰনৰ এক অনুষ্ঠান আয়োজন কৰা হয়।অনুষ্ঠান খনত ৰাজ্যৰ বন,মীন আৰু আবকাৰী মন্ত্ৰী পৰিমল শুক্লবদ্য অতিথি হিচাপে উপস্থিত থাকি কৃষক সকলৰ মাজত ট্ৰেক্টৰ বিতৰন কৰে।মন্ত্ৰীজনে লগতে তেওঁৰ ভাষনত কয় যে মুখ্য মন্ত্ৰী সমগ্ৰ গ্ৰাম্য উন্নয়ন যোজনাৰ অধীনত ৰাজ্যৰ প্ৰত্যেক খন গাঁওৰ হিতাধিকাৰী কৃষকৰ মাজত বিতৰন কৰা হৈছে।মুখ্যমন্ত্ৰী সৰ্বানন্দ সোণোৱাল নেতৃত্বধীন ভাৰতীয় জনতা পাৰ্টী চৰকাৰে অসমৰ কৃষি খণ্ডৰ উন্নয়নৰ বাবে বহুত পৰিকল্পনা হাতত লৈছে আৰু কৃষক বন্ধু সকলৰ উপাৰ্জন দুগুনলৈ বৃদ্ধি কৰিবৰ বাবে চেষ্ঠা কৰিছে।মন্ত্ৰীজনে লগতে কয় দেশৰ প্ৰধানমন্ত্ৰী নৰেন্দ্ৰ মোডীয়ে দেশৰ কৃষক সকলৰ উপাৰ্জন ২০২২ চনৰ ভিতৰত দুগুন কৰিবলৈ অভিযান আৰম্ভ কৰিছে।লগতে কয় যে ৰাজ্যখনত চৰকাৰে কৃষক সকলৰ মাজত ১০,১০৯ খন ট্ৰেক্টৰ বিতৰন কৰাৰ সিদ্ধান্ত গ্ৰহন কৰিছে আৰু হাইলাকাণ্ডি জিলাত আৰু ১১৪ খন ট্ৰেক্টৰ প্ৰদান কৰিব।