Top
Begin typing your search above and press return to search.

হাতী খেদিবলৈ গৈ প্ৰাণ হেৰুৱালে বনকৰ্মীয়ে

হাতী খেদিবলৈ গৈ প্ৰাণ হেৰুৱালে বনকৰ্মীয়ে

Sentinel Digital DeskBy : Sentinel Digital Desk

  |  25 Oct 2018 8:19 AM GMT

যোৰহাট জিলাৰ টীয়কৰ জাঁজীমুখত হাতী খেদিবলৈ গৈ এজন বনকৰ্মীয়ে প্ৰাণ হেৰুৱাব লগা ঘটনাই সমগ্ৰ জিলা খনতে শোকৰ ছাঁ পেলাইছে । বানাক্ৰান্ত জাঁজীমুখৰ মাজৰ চাপৰিত বনৰীয়া হাতী খেদিবলৈ শূন্যলৈ গুলী চলাওতেই সতীৰ্থৰ গুলীয়ে বিদ্ধ হৈ অতি কৰুণ ভাৱে মৃত্যুক সাৱটি লবলগীয়া হয় বনকৰ্মী জনে ।

জানিব পৰা মতে বুধবাৰে নিশা প্ৰায় ১১.৩০ বজাত বনৰীয়া হাতী ওলোৱাৰ খবৰ পাই যোৰহাট বন সংমণ্ডলৰ ছজনীয়া এটা দল ঘটনাস্থলীলৈ ৰাওনা হয় । প্ৰায় ১২০ জনীয়া হাতীৰ জাকটোৱে জনাঞ্চললৈ গতি কৰোতেই বনকৰ্মীৰ দলটোৱে ৰাইজৰ সহযোগত হাতী খেদিবলৈ চেষ্টা চলায় । কিন্তু হাতী খেদিবলৈ সক্ষম নোহোৱাত অৱশেষত শূন্যলৈ গুলীচালনা কৰে বনকৰ্মীৰ দলটোৱে । তেনে সময়তে অতৰ্কিতে হাতীৰ জাকটোৱে খেদি অহাত কোনো এজন সতীৰ্থৰ গুলীয়ে বিদ্ধ কৰে বনকৰ্মী হেমন্ত তামুলীক ।

ঘটনাৰ পাচতেই ৰাইজ আৰু সতীৰ্থসকলে লগলাগি বনকৰ্মীজনক চিকিৎসাৰ বাবে নিয়ে যদিও দুৰ্গম অঞ্চল হোৱা পথতেই মৃত্যুক সাৱটি ল'ব লগা হয় । উল্লেখ্য যে, বনকৰ্মী হেমন্ত তামুলীৰ ঘৰ যোৰহাট জিলাৰ গজপুৰীয়াত বুলি জানিব পৰা গৈছে।

Next Story