চলিত বৰ্ষৰ হাইস্কুল শিক্ষান্ত পৰীক্ষাৰ আৰু হাইমাদ্ৰাছা পৰীক্ষাৰ ফলাফল ঘোষণা হ’ব ১৫ মে’ত। পুৱা ৯ বজাৰ পৰা ফলাফল মোবাইল এপ,মোবাইল এচএমএচ,আৰু ছেবাৰ ১৩ টা ৱেবচাইটত উপলব্ধ হ’ব ৷ এই কথা ঘোষণা কৰে বৰ্ডৰ সচিব সুৰঞ্জনা সেনাপতিয়ে ৷অৱশ্যে উক্ত দিনা ১১ বজাতহে কেন্দ্ৰসমূহত ফলাফল আৰু মাৰ্কশ্বিট সম্বন্ধীয় তথ্য সমুহ খোলাৰ অনুমতি দিছে ৷
৮৫৭ টা পৰীক্ষা কেন্দ্ৰত প্ৰায় ৩,৫২,১৪৩ গৰাকী পৰীক্ষাৰ্থী হাইস্কুল শিক্ষান্ত পৰীক্ষা আৰু হাইমাদ্ৰাছা পৰীক্ষাত অৱতীৰ্ণ হৈছিল ৷ ইফালে যিসকল পৰীক্ষাৰ্থীয়ে পৰীক্ষাৰ বহী সমূহ পুনৰ নিৰীক্ষণ কৰিব বিচাৰে তেওঁলোকে ফলাফল ঘোষণা হোৱাৰ ১৫ দিনৰ ভিতৰত ছেবাৰ অনলাইন পৰ্টেল গৈ আবেদন কৰিব পাৰে ৷
অন্য খবৰৰ বাবে পঢ়ক : শীৰ্ষ বাতৰি