Top
undefined
Begin typing your search above and press return to search.

৫০৩ গৰাকী তৃতীয় লিংগ ভোটদাতাৰ ভোটদান অনাগত নিৰ্বাচনত

৫০৩ গৰাকী তৃতীয় লিংগ ভোটদাতাৰ ভোটদান অনাগত নিৰ্বাচনত

Sentinel Digital DeskBy : Sentinel Digital Desk

  |  12 March 2019 10:42 AM GMT

সমাগত লোকসভা নিৰ্বাচন । নিৰ্বাচনৰ কাৰণে সাজু হৈছে সকলো৷ চলিত বৰ্ষৰ এপ্ৰিলত হ’ব লগা নিৰ্বাচনত দেশ বাসীৰ লগতে ভোটাধিকাৰ সাব্যস্ত কৰিবলৈ সাজু হৈছে তৃতীয় লিংগৰ লোকসকল । ৰাজ্য খনত থকা ৫০৩ গৰাকী তৃতীয় লিংগৰ ভোটাৰে নিজৰ ভোটাধিকাৰ সাব্যস্ত কৰিব৷ ভাৰতৰ সৰ্বোচ্চ ন্যায়ালয়ৰ এক ঐতাহাসিক সিদ্ধান্ত অনুসৰি ট্ৰান্সজেণ্ডাৰ লোকসকলক তৃতীয় লিংগ হিচাপে ঘোষণা কৰে। আৰু সংবিধানৰ আধাৰত সকলো মৌলিক অধিকাৰ তৃতীয় লিংগৰ ব্যক্তিসকলক প্ৰদান কৰে ৷

লগতে তৃতীয় লিংগৰ লোকসকলক সামাজিক ভাৱেও নিজক পৰিচয় প্ৰদান কৰিবলৈও অধিকাৰ প্ৰদান কৰে ৷ ইফালে ৰাজ্যৰ নিৰ্বাচন বিভাগৰ এক বিশেষ সূত্ৰৰ মতে ৰাজ্যখনত ২,১৭,৬০,৬০৪ ভোটাধিকাৰৰ ভিতৰত ৫০৩ ভোটাধিকাৰ হৈছে তৃতীয় লিংগৰ ৷ এই ৫০৩ গৰাকী তৃতীয় লিংগৰ ভোট দাতাৰ ভিতৰত ১১ এপ্ৰিলত হোৱা হোৱা সংসদীয় নিৰ্বাচনত ১৫৮ জনে ভোটদান কৰিব ৷দ্বিতীয় পৰ্যায়ত অৰ্থাৎ ১৮ এপ্ৰিলত ভোট দান কৰিব ১৮১ গৰাকীয়ে আৰু তৃতীয় পৰ্যায়ত অৰ্থাৎ ২৩ এপ্ৰিলত ভোটদান কৰিব ১৬৪ গৰাকী ভোটদাতাই ।

অধিক খবৰৰ বাবে পঢ়ক : ৰাজ্যিক বাতৰি

Next Story