৮০.৭৪ শতাংশ ভোটৰ হাৰৰে ৰাজ্যত সমাপ্ত হয় তৃতীয় অথা অন্তিম পৰ্যায় ভোট গ্ৰহণ
মংগলবাৰে ৰাজ্যত তৃতীয় অথা অন্তিম পৰ্যায়ৰ ভোট গ্ৰহণ শান্তি পুৰ্ন ভাবে সমাপ্ত হয় । সন্ধিয়া ৭ বজালৈকে ৮০.৭৪ শতাংশ ভোটৰ হাৰৰে সমাপ্ত হয় তৃতীয় পৰ্যায় লোকসভা নিৰ্বাচন। কিছুমান ভোট গ্ৰহণ কেন্দ্ৰত সময়তকৈ অধিক সময় ভোট গ্ৰহণ অনুষ্ঠিত হৈছিল । মংগলবাৰে ৰাজ্যৰ ৪ টা লোকসভা সমষ্টিৰ ৯,৫৭৭ টা ভোট গ্ৰহণ কেন্দ্ৰত অনুষ্ঠিত হৈছিল ভোট গ্ৰহণ । গুৱাহাটী, কোকৰাঝাৰ,বৰপেটা আৰু ধুবুৰী লোকসভা সমষ্টিত অনুষ্ঠিত হয় ভোট গ্ৰহণ । ৪ টা সমষ্টিত প্ৰাৰ্থী আছিল ৫৪ জন । ২৩ মেত ফলাফল ঘোষণা কৰা হব লোকসভা নিৰ্বাচনৰ ।
মুখ্য নিৰ্বাচনী বিষয়া এম চি চাহুয়ে প্ৰকাশ কৰে যে কোনো ভোট গ্ৰহণ কেন্দ্ৰৰ পৰা বিক্ষিপ্ত ঘটনাৰ বাতৰি অহা নাই । ৰাজ্যিক নিৰ্বাচনী বিভাগে প্ৰকাশ কৰা মতে গুৱাহাটী লোকসভা সমষ্টিত ভোটৰ হাৰ ৮০.২০ শতাংশ । ২১,৭৮,৬১৭ ভোটাৰে সাব্যস্ত কৰে ভোটদান । কোকৰাঝাৰত ভোটৰ হাৰ ৭৭.৩৮ শতাংশ । ১৭,৬৫,৪২৩ ভোটাৰে সাব্যস্ত কৰে ভোটদান । বৰপেটাত ভোটৰ হাৰ ৭৮.১১ শতাংশ । ১৬,৭৬, ৮৫৪ ভোটাৰে সাব্যস্ত কৰে ভোটদান । ধুবুৰীত ভোটৰ হাৰ হৈছে ৮৬.৯৪ শতাংশ । ভোটাধিকাৰ সাব্যস্ত কৰা ভোটাৰৰ সংখ্যা ১৮,৫৬,১৬৮ ।
বহুতো ভোট গ্ৰহণ কেন্দ্ৰত ইভিএমৰ বিসংগতিৰ বাবে বদলি কৰা হয় । বৰপেটাৰ হৰিপুৰ চকপাৰা প্ৰাথমিক বিদ্যালয় , সুন্দৰীয়া হাই স্কুল, বাঘবৰৰ পুব দেউলদি প্ৰাথমিক বিদ্যালয় , হাজোৰ কুলহাতী ছোৱালী হাই স্কুল, দুধনৈ ছোৱালী হাই স্কুল, বৰক্ষেত্ৰীৰ ১০৫ ভোট গ্ৰহণ কেন্দ্ৰ আৰু বঙাইগাঁও ৰেলৱে হাই স্কুল ।
ধুবুৰীত প্ৰিজাইডিং বিষয়াক গ্ৰেপ্তাৰ। গৌৰীপুৰ বানী বিদ্যামন্দিৰ ভোটকেন্দ্ৰত এই ঘটনা সংঘটিত হয় । ভোটাৰ শ্লিপৰ লগত পৰিচয় পত্ৰ নথকাকৈ ভোট গ্ৰহণৰ অভিযোগ উত্থাপন হৈছে । গ্ৰেপ্তাৰ হোৱা প্ৰিজাইডিং বিষয়া গৰাকীৰ নাম গৌড় প্ৰসাদ বৰ্মন । বৰ্মনৰ স্থানত অন্য এগৰাকী নিযুক্তি দিয়া হয় ।
ৰাজ্যৰ ১০ লোকসভা সমষ্টিত ১১ আৰু ১৮ এপ্ৰিলত অনুষ্ঠিত হয় হয় ভোট গ্ৰহণ । ২৩ মেত ঘোষণা কৰা হব নিৰ্বাচনী ফলাফল ।
অন্য খবৰৰ বাবে পঢ়ক :ৰাজ্যিক বাতৰি
