Begin typing your search above and press return to search.

ৰনবীৰে মোক পৃথক অনুভৱ কৰোৱাইঃ বলীউডৰ অভিনেত্ৰী আলিয়া ভাট্ট

ৰনবীৰে মোক পৃথক অনুভৱ কৰোৱাইঃ বলীউডৰ অভিনেত্ৰী আলিয়া ভাট্ট

Sentinel Digital DeskBy : Sentinel Digital Desk

  |  29 April 2019 12:22 PM GMT

বলীউডৰ অভিনেত্ৰী আলিয়া ভাট্ট আৰু ৰনবীৰ কাপুৰৰ প্ৰেমৰ সম্পৰ্ক সম্প্ৰতি সৰ্বজন বিদিত ৷ শেহতীয়াকৈ দুয়োজনকে বিভিন্ন অনুষ্ঠানত প্ৰত্যক্ষ কৰিছে সকলো অনুৰাগীয়ে ৷ বিগত দিনত,ৰনবীৰ কাপুৰে আলিয়া ভাট্টক কেনেধৰণৰ অনুভৱ দিয়ে সেই সম্পৰ্কত মন্তব্য দিয়ে। এগৰাকী অভিনেত্ৰী হিচাপে ৰনবীৰ কাপুৰৰ বিষয়ে কি ভাবে সেই কথা ব্যক্ত কৰিছে ৷

ৰনবীৰ কাপুৰৰ সন্দৰ্ভত আলিয়াই কয় যে ৰনবীৰে অভিনেত্ৰী গৰাকীক পৃথক অনুভৱ কৰোৱাই। ৰনবীৰৰ পৰা বহুত কথা শিকিবলৈ পায় আলিয়াই ৷ সেয়া লাগিলে এজন অভিনেতা ৰূপতেই হওক বা এজন ব্যক্তি ৰূপতেই হওক ৷ ৰনবীৰৰ লগত আয়ান মুখাৰ্জীৰ ব্ৰহ্মাস্ত ছবিত অভিনয় কৰাৰ সন্দৰ্ভত আলিয়া ভাট্টে কয় যে ৰনবীৰক এজন অভিনেতাৰ ৰূপত আলিয়াই বহু ভাল পায় ৷ৰনবীৰৰ ছবিসমূহত অভিনেতাজন বহু সতেজ,শক্তিশালী আৰু বাস্তৱ সম্পন্ন ৷ ৰনবীৰে আলিয়াই বিভিন্ন ক্ষেত্ৰত যাতে উচ্চ সম্পন্ন কাম কৰিব পাৰে তাৰ কাৰনে সদায় প্ৰেৰণা দি অহাৰ কথাও উল্লেখ কৰে ৷

লগতে কামক লৈ ৰনবীৰ কাপুৰৰ একাগ্ৰতা আৰু নৈতিক এই সকলোবোৰ আলিয়াৰ কাৰণে উল্লেখ্যনীয় বুলিও মন্তব্য কৰে অভিনেত্ৰী গৰাকীয়ে ৷ ইফালে শেহতীয়া কলংক ছবিৰ প্ৰমোশ্যনত যাওঁতে আলিয়া বৰণ ধাৱনক ভূলবশত ৰনবীৰ বুলি কোৱাক লৈ চৰ্চা হৈছিল ৷

আলিয়াৰ পিতৃ তথা নিৰ্দেশক মুকেশ ভট্টে জীয়ৰী আলিয়া আৰু ৰনবীৰৰ সম্পৰ্কটোৰ সম্পৰ্কে কয় যে তেওঁলোক দুয়োজন প্ৰেমৰ সম্বন্ধত আছে ৷ আলিয়াইও এই সম্বন্ধত কয় যে এনেকুৱা নহয় যে এনেধৰণৰ এটা সম্পৰ্ক এটা অনুভৱ ৷এই সম্পৰ্কটো মোৰ জীৱনৰ এটি মহত্ত্বপূৰ্ণ অংশ ৷ এই সম্পৰ্কটো অত্যন্ত সুন্দৰ ৷সংবাদমাধ্যমৰ তথ্য অনুসৰি জুহুত সদ্যহতে ক্ৰয় কৰা বাসগৃহটো প্ৰেমিক ৰনবীৰ কাপুৰ সৈতে ভৱিষ্যতে বাস কৰিবলৈ আলিয়াই ক্ৰয় কৰিছে৷

ভাৰতীয় ছবি নিৰ্দেশক মহেশ ভাট্ট আৰু অভিনেত্ৰী সোনী ৰাজদানৰ সন্তান আলিয়া ভাট্ট ৷ পুজা ভাট্ট আৰু ৰাহুল ভাট্ট হৈছে আলিয়াৰ ভগ্নী আৰু ভাতৃ ৷ ইফালে ইমৰান হাছমী আৰু মোহিত ছুৰী হৈছে আলিয়াৰ সম্পৰ্কীয় ভাতৃ ৷ আলিয়া এগৰাকী অভিনেত্ৰী হিছাপে বলীউডত পদাৰ্পন কৰিছিল ২০১২ চনৰ ছুপাৰ হিট ছবি ষ্টুডেন্ড অৱ দ্য ইয়েৰৰ জৰিয়তে ৷ ইয়াৰ পিছত আলিয়াই ইমতিয়াজ আলীৰ ছবি হাই ৱে,টু ষ্টেটচ আৰু হামটি শৰ্মা কী দুলহনীয়া ছবিত অভিনয় কৰে ৷

বলীউডত আলিয়াৰ অভিনয়ৰ কাৰণে বহু পুৰস্কাৰেৰে সমাদৃত হয় ৷ আলিয়াই সিদ্ধাৰ্থ মালহোত্ৰা,বৰুণ ধাৱন,ঋষি কাপুৰ,ৰণদীপ হুড্ডা,অৰ্জুন কাপুৰ,ৰ’নীত ৰায়,ৰিতেশ দেশমুখ,চাহিদ কাপুৰ,দিলজীত ডোচাঞ্জ,ৰনবীৰ কাপুৰ আৰু শ্বাহৰুখ খানৰ দৰে অভিনেতাৰ লগত কাম কৰে ৷ বলীউডৰ এগৰাকী সফল অভিনেত্ৰী হোৱাৰ লগতে আলিয়া এগৰাকী সফল মডেলো ৷ লগতে এগৰাকী গায়িকা হিচাপেও চিনাকী দিছে আলিয়াই ৷ আলিয়াৰ মোহনীয়তা,অভিনয় দক্ষতাৰ কাৰণে কোটি কোটি অনুৰাগীৰ প্ৰিয় অভিনেত্ৰী গৰাকী ৷

অন্যহাতে আলিয়া ভাট্ট আৰু ৰনবীৰ কাপুৰে অভিনয় কৰা ব্ৰহ্মাস্ত ছবিখনত অভিনয় কৰিছে বলীউডৰ বিগ বি অমিতাভ বচ্চন,মৌনি ৰয়,ডিম্পল কাপাড়িয়া আদি ন পুৰণি শিল্পীয়ে ৷ছবিখল মুক্তি পাব চলিত বৰ্ষৰ ২০ ডিচেম্বৰত ৷

অধিক খবৰৰ বাবে পঢ়ক : মনোৰঞ্জন

Next Story