বৃহস্পতিবাৰে অৰ্থাৎ আজি সমগ্ৰ অসমত পাঁচ সংসদীয় ক্ষেত্ৰৰ প্ৰথম পৰ্যায়ৰ লোকসভা নিৰ্বাচন (Lok Sabha)অনুষ্ঠিত হয় ৷প্ৰথম পৰ্যায়ৰ নিৰ্বাচনৰ সময়ত ইভীএম আৰু ভিভিপিএটি ব্যৱস্থাৰ দ্বাৰা ৪১ জন প্ৰাৰ্থীৰ ভাগ্য নিৰ্ণয় হ’ব। ভোটগ্ৰহণ অনুষ্ঠিত হৈছে পুৱা ৭ বজাৰ পৰা ৫ বজালৈকে । ইফালে পাঁচখন সংসদীয় ক্ষেত্ৰ ডিব্ৰুগড়,যোৰহাট, কলিয়াবৰ,লক্ষীমপুৰ আৰু তেজপুৰত ৭৬,০৩,৪৫৮ জন ভোটাৰে ৯,৫৭৪ টা ভোটগ্ৰহণ কেন্দ্ৰত ভোটদান কৰিব ৷
ইয়াৰে নিৰ্বাচন আয়োগে ৩,৯৯০ টা ভোটগ্ৰহণ কেন্দ্ৰ অতি জটিল ভোটগ্ৰহণ কেন্দ্ৰ হিচাপে চিনাক্ত কৰিছে ৷ ৭০৪ টা ভোটগ্ৰহন কেন্দ্ৰ দুৰ্বল হিচাপে নিৰ্বাচিত হ’ব ৷ ইয়াৰ উপৰিও ২০১ টা ভোটগ্ৰহণ কেন্দ্ৰত সকলো মহিলা কৰ্মী থাকিব ৷ ৰাজ্যখনত মুঠ ভোটদাতাসকলৰ ভিতৰত পুৰুষৰ সংখ্যা হৈছে ৩৮,৬৫,৩৩৪ জন আৰু মহিলা ভোটদাতাৰ সংখ্যা হৈছে ৩৭,৩৭,৯৭০ গৰাকী ৷ অন্যহাতে, এইবাৰ ১৫৪ তৃতীয় লিংগৰ ভোটাৰে ভোটদান কৰিব। নিৰ্বাচন সন্দৰ্ভত ৰাজ্যৰ নিৰ্বাচন আয়োগে কৈছে যে স্বাধীন আৰু নিকা ভোটগ্ৰহণৰ কাৰণে সকলো ব্যৱস্থা লোৱা হ’ব।
ইয়াৰ মাজতে নিৰ্বাচনৰ সকলো কৰ্তৃপক্ষ নিজৰ নিজৰ ভোটগ্ৰহণ কৰ্মস্থলীলৈ ৰাওনা হৈছে ৷ অসম আৰক্ষী তথা আৰক্ষী কৰ্তৃপক্ষৰ যাৱতীয় সকলো ব্যৱস্থাৰ দ্বাৰা ব্যাপক সুৰক্ষা ব্যৱস্থা আৰম্ভ কৰিছে ৷ প্ৰথম পৰ্যায়ৰ লোকসভা নিৰ্বাচনৰ কাৰণে ভোটগ্ৰহণ কেন্দ্ৰসমূহত ১৮০ টা সুৰক্ষা কৰ্মী নিয়োগ কৰা হৈছে ৷ইয়াৰ উপৰিও ৬৪১টা মাইক্ৰ’ পৰ্যবেক্ষক,১৫১ টা ফ্লাইং স্কোৱাৰ্ডছ,১৩৭ টি সৰ্বিলেন্স টীম, ১১৮ টি ভিডিঅ’ সৰ্বিলেন্স ৰাজ্য প্ৰথম পৰ্যায়ৰ লোকসভা নিৰ্বাচনৰ কাৰণে নিযুক্ত হ’ব ৷ এই সকলো দলে ভোটগ্ৰহণ কেন্দ্ৰসমূহত বিশেষ দৃষ্টি ৰাখিব ৷
অন্যহাতে, প্ৰথম বাৰৰ কাৰণে ভিভিপিএটি ব্যৱস্থাৰ দ্বাৰা কৰা ব্যৱস্থাৰ দ্বাৰা ভোটদান কৰা হৈছে ৷ ইভিএমৰ লগতে ভিভিপেট মেচিনত মাত্ৰ ৭ ছেকেণ্ডৰ বাবে ওলোৱা কাগজৰ শ্লিপত ভোটাৰে চাব পাৰিব নিজৰ ভোট। অৰ্থাৎ ইয়াৰ দ্বাৰা ভোটাৰে সঠিক স্থানত ভোট দিছে নে নাই সেই সম্পৰ্কে চাব পাৰিব ৷ ইফালে , ২০১৬ চনত হোৱা ৰাজ্যৰ বিধানসভা নিৰ্বাচনত ভিভিপিএটি ব্যৱস্থাৰ দ্বাৰা ১০ খন বিধানসভা নিৰ্বাচন ক্ষেত্ৰত ভোটগ্ৰহণ অনুষ্ঠিত হৈছিল। সম্প্ৰতি নিৰ্বাচনত লক্ষীমপুৰত ১১ জন প্ৰাৰ্থী,যোৰহাট আৰু ডিব্ৰুগড়ত ৮ জন প্ৰাৰ্থী,তেজপুৰ আৰু কলিয়াবৰত সাতজন প্ৰাৰ্থীয়ে প্ৰাৰ্থীত্ব আগবঢ়াইছে ৷
তেজপুৰত প্ৰতিদ্বন্দিতা হ’ব বিজেপি প্ৰাৰ্থী পল্লৱ লোচন দাস আৰু কংগ্ৰেছৰ এমজিভিকে ভানুৰ মাজত ,ঠিক সেইদৰে কলিয়াবৰত কংগ্ৰেছৰ সাংসদ গৌৰৱ গগৈ আৰু এজিপিৰ মনি মাধৱ মহন্ত,যোৰহাটত বিজেপিৰ তপন কুমাৰ গগৈ আৰু কংগ্ৰেছৰ সুশান্ত বৰগোহাঁঞি, ডিব্ৰুগড়ত বিজেপিৰ ৰামেশ্বৰ তেলী আৰু কংগ্ৰেছৰ পৱন সিং ঘাটোৱাৰ,লক্ষীমপুৰত বিজেপিৰ প্ৰাৰ্থী প্ৰদান বৰুৱা আৰু কংগ্ৰেছৰ প্ৰাৰ্থী অনিল বৰগোহাঞিৰ মাজত হ’ব তীব্ৰ প্ৰতিদ্বন্দিতা ৷
ইফালে ২০১৪ চনৰ নিৰ্বাচনত কলিয়াবৰত প্ৰাক্তন মুখ্যমন্ত্ৰী তৰুণ গগৈৰ পুত্ৰ গৌৰৱ গগৈয়ে জয়ী লাভ কৰিছিল ৷ উল্লেখ্য যে প্ৰথম পৰ্যায়ৰ নিৰ্বাচনৰ পিছতে ৰাজ্যত দ্বিতীয় পৰ্যায়ৰ নিৰ্বাচন অনুষ্ঠিত হ’ব ১৮ এপ্ৰিলত ৷ আৰু অন্তিম পৰ্যায়ৰ নিৰ্বাচন অনুষ্ঠিত হ’ব ২৩ এপ্ৰিলত।
অন্য খবৰৰ বাবে পঢ়ক : শীৰ্ষ বাতৰি