ৰাষ্ট্ৰীয় নাগৰিক পঞ্জীৰ ক্ষেত্ৰত বিভাগীয় কৰ্তৃপক্ষৰ বিশেষ সিদ্ধান্ত

ৰাষ্ট্ৰীয় নাগৰিক পঞ্জীৰ কৰ্তৃপক্ষই আপত্তি কৰ্তাসকলৰ শুনানিৰ সময়ত যিসকল উপস্থিত নাছিল সেইসকলৰ সন্দৰ্ভত অনতি পলমে সিদ্ধান্ত ল’ব বিছাৰিছে ৷ ১১ মে’ত জাৰি কৰা অধিসূচনা অনুযায়ী এনআৰচি কৰ্তৃপক্ষই যিকোনো আপত্তি কৰা লোকসকলৰ পৰিচয় পত্ৰ মুকলি নকৰাৰ সিদ্ধান্ত গ্ৰহণ কৰিছে ৷ ইফালে ১৫ জুনত নাগৰিকসকলৰ এখন অতিৰিক্ত এখন তালিকা প্ৰকাশ কৰা হ’ব ৷

আপত্তিৰ ক্ষেত্ৰত শুনানি প্ৰক্ৰিয়া জুনৰ প্ৰথম ভাগত সমাপ্ত হ’ব৷ অন্যহাতে ৰাষ্ট্ৰীয় নাগৰিক পঞ্জীৰ নীতি নিয়ম অনুসৰি আপত্তিৰ ক্ষেত্ৰত শুনানিৰ প্ৰক্ৰিয়াৰ সময়ত যিগৰাকী ব্যক্তিৰ ক্ষেত্ৰত আপত্তি দিছে বা আপত্তি কৰা ব্যক্তি,দুয়োজনেই উপস্থিত থাকিব লাগিব ৷ ইফালে ১৫ জুনত প্ৰকাশিত অতিৰিক্ত ডাফ্ট ৰাষ্ট্ৰীয় নাগৰিক পঞ্জীত সেই সকলো ব্যক্তিৰ নাম উল্লেখ নাথাকে , যিসকলৰ নাম ২০১৮ চনৰ ৩০ জুলাইত প্ৰকাশিত ৰাষ্ট্ৰীয় নাগৰিক পঞ্জীত সন্নিবিষ্ট হৈছিল ৷

এই লোকসকলক দাবীৰ কাৰণে সুযোগ দিয়া হ’ব ৷আৰু এই সম্পৰ্কত জুনৰ প্ৰথম ভাগৰ পৰা সংবাদ মাধ্যমত প্ৰচাৰ চলাই থকা হৈছে ৷ ৰাষ্ট্ৰীয় নাগৰিক পঞ্জীৰ কৰ্তৃপক্ষই প্ৰথমতেই উপায়ুক্ত আৰু জিলা নাগৰিক পঞ্জীক উল্লেখযোগ্য নীতি নিৰ্দেশনাসমূহ জাৰি কৰিছে ৷ উল্লেখ্য যে, সম্পূৰ্ণ ৰাষ্ট্ৰীয় নাগৰিক পঞ্জীত নাম অন্তৰ্ভূক্ত কৰাৰ সন্দৰ্ভত ২ লাখ লোকে আপত্তি কৰিছে ৷ উচ্চতম ন্যায়ালয়ে প্ৰথমতেই নিৰ্দেশ দিয়ে যে চূড়ান্ত এনআৰচিক চলিত বৰ্ষৰ ৩১ জুলাইত প্ৰকাশ কৰিব লাগে ৷

অধিক খবৰৰ বাবে পঢ়ক : শীৰ্ষ বাতৰি