Top
Begin typing your search above and press return to search.

আন্তঃৰাষ্ট্ৰীয় ছবি মহোৎসৱত জিলিকিল অসম জীয়াৰী ৰীমা দাস

আন্তঃৰাষ্ট্ৰীয় ছবি মহোৎসৱত জিলিকিল অসম জীয়াৰী ৰীমা দাস

Sentinel Digital DeskBy : Sentinel Digital Desk

  |  7 March 2019 8:54 AM GMT

আয়েৰলেণ্ডত অনুষ্ঠিত ভাৰ্জিন মিডিয়া ডাবলিন আন্তঃৰাষ্ট্ৰীয় ছবি মহোৎসৱত ৰীমা দাসলৈ শ্ৰেষ্ঠ পৰিচালকৰ সন্মান । 'বুলবুল কেন চিং ' ছবিৰে শ্ৰেষ্ঠ পৰিচালকৰ সন্মান লাভ কৰিবলৈ সক্ষম হৈছে ৰীমা দাসে ।

আন্তঃৰাষ্ট্ৰীয় ছবি মহোৎসৱখনৰ ডাবলিন ফিল্ম ক্ৰিটিক চাৰ্কোল জুৰী এৱাৰ্ডৰ শ্ৰেষ্ঠ পৰিচালকৰ বঁটা লাভ কৰি আনন্দিত হৈ পৰিছে বুলি প্ৰকাশ কৰিছে ৰীমা দাসে । লগতে এই সন্মানৰ বাবে তেওঁক নিৰ্বাচন কৰা ভাৰ্জিন মিডিয়া ডাবলিন আন্তঃৰাষ্ট্ৰীয় ছবি মহোৎসৱ কৰ্তৃপক্ষক ৰীমা দাসে ধন্যবাদ জ্ঞাপন কৰে ।

বুলবুলি কেন চিং ৰীমা দাসৰ তৃতীয় খন ছবি । ৰীমা দাসৰ ভিলেছ ৰকষ্টাৰ্ছ ছবি খনৰ জৰিয়তে সমগ্ৰ বিশ্বতে পৰিচয় প্ৰতিস্থা কৰিবলৈ সক্ষম হৈছে। ভিলেজ ৰকষ্টাৰ্ছ ছবি খন অস্কাৰলৈ মনোনীত হৈছিল যদিও শেষত থমকি ৰব লগা হয় । 'অসমীয়া গাঁৱৰ কাহিনী এটাক লৈ নিৰ্মিত কৰা ছবিখনে বিশ্বৰ অন্য এক প্ৰান্তৰ মানুহৰ হৃদয় জিনিব পৰাটোৱে ছবিখনৰ বাবে এক অন্যান্য কৃতিত্ব বুলি প্ৰকাশ কৰে ৰীমা দাসে ।

২০১৮ চনত ছবিখনৰ ৱ'ল্ড প্ৰিমিয়াৰ হয় টৰন্টো আন্তঃৰাষ্ট্ৰীয় ছবি মহোৎসৱত । দক্ষিণ এছিয়ান প্ৰিমিয়াৰ বুছান আন্তঃৰাষ্ট্ৰীয় ছবি মহোৎসৱ আৰু ইণ্ডিয়াম প্ৰিমিয়াৰ হয় মুম্বাই ছবি মহোৎসৱত ।২০ ফেব্ৰুৱাৰীৰ পৰা ৩ মাৰ্চলৈকে আয়েৰলেণ্ডৰ ডাবলিনত অনুষ্ঠিত আন্তঃৰাষ্ট্ৰীয় ছবি মহোৎসৱত শ্ৰেষ্ঠ পৰিচালকৰ সন্মান লাভ কৰে ৰীমা দাসে ।

Next Story