গুৱাহাটী (Guwahati) আৰ জি বৰুৱা ৰোডত হোৱা গ্ৰেণেড বিষ্ফোৰণৰ সন্দৰ্ভত আৰক্ষীয়ে ইতিমধ্যে সাতজন লোকক গ্ৰেপ্তাৰ কৰিছে ৷ আৰক্ষীৰ এক বিশেষ সূত্ৰ অনুসৰি,আলফাই সংঘটিত কৰা গ্ৰেণেড বিস্ফোৰণৰ সন্দৰ্ভত তদন্তকাৰীসকল এতিয়াওঁ সম্পূৰ্ণ তথ্য উদঘাটন কৰিবলৈ সক্ষম হোৱা নাই ৷
তদন্তকাৰীসকলৰ প্ৰাথমিক তদন্ত অনুসৰি এই ঘটনাতো আছিল এটি গ্ৰেণেড বিস্ফোৰণৰ ঘটনা ৷কিন্তু বিস্ফোৰণৰ প্ৰকৃতিলৈ লক্ষ্য কৰি আৰক্ষীৰ এক বিশেষ সূত্ৰৰ মতে বিস্ফোৰণ সংঘটিত কৰাটো ডিভাইছটো গ্ৰেণেড নাছিল । বৰঞ্চ এটা আ ই ডি আছিল ৷
উল্লেখ্য যে বিস্ফোৰণৰ সন্দৰ্ভত অভিনেত্ৰী জাহ্নৱী শইকীয়া আৰু প্ৰাণময় ৰাজগুৰুৰ লগতে অন্যান্য কেইবাজনো লোকক গ্ৰেপ্তাৰ কৰিছিল আৰক্ষীয়ে ৷ এক বিশেষ সূত্ৰৰ মত অনুসৰি গ্ৰেণেড নিৰ্মাণ কৰা হৈছিল এক বিশেষ মেচিনৰ দ্বাৰা ৷ আৰু এইটো সহজে উপলব্ধ নহয়। অৱশ্যে, আইডি স্থানীয়ভাৱেও তৈয়াৰ কৰিব পাৰি ৷ কিন্তু সম্প্ৰতি তদন্তকাৰীসকলে এই ক্ষেত্ৰত কি ব্যৱস্থা হাতত ল’ব সেয়া হ’ব লক্ষ্যনীয়।
অধিক খবৰৰ বাবে পঢ়ক : শীৰ্ষ বাতৰি
